• |
ide | kryesore

Libertadores/ Në tribunë me Messin? Motivi i refuzimit xhentil të Ronaldos

Sport

Në tribunën e Santiago Bernabeut nuk do të jetë dyshja e menduar Lionel Messi dhe Cristiano Ronaldo, për arsyen e thjeshtë: portugezi ka refuzuar ftesën për të ndjekur ndeshjen e kthimit mes River Plate e Boca Juniors për Kupën Libertadores në Madrid. Ndryshe nga sa kishte bërë të ditur një ditë më parë AS, nuk do të jenë 10 Topa të Artë në tribunë: burime pranë lojtarit portugez, të cituara sërisht nga e përditshmja spanjolle ‘As’, kanë bërë të ditur se CR7 ka refuzuar me xhentilesë ofertën e Conmebol.


“Është ende herët për tu kthyer në Bernabeu”, kanë thënë ata. Nëse do të kishte marrë pjesë në Superklásiko, për Cristiano do të ishte hera e parë në Bernabeu që pas lamtumirës nga Real. “Raporti me klubin ka mbetur i paprekur pas largimit të Juventus. Nga ana tjetër, Cristiano do të ishte i lumtur të merrte pjesë në festë, të pranonte ftesën e Federatës e të ndiqte me Messi ndeshjen nga tribuna, vetëm se këtë herë nuk do të jetë e mundur”, kanë pohuar për AS të njëtët burime.


Lini një Përgjigje

Adresa juaj email s’do të bëhet publike.

Kthehu