Një kabinë elektrike e ndodhur pranë fshatit Homezh në Bulqizë, rrezikon çdo ditë jetën e rreth 80 nxënësve.
Kabina ndodhet në oborrin e shkollës 9-vjeçare, “Ramiz Manjani”.
Kabina, e ndërtuar vite më parë është e amortizuar, duke mos plotësuar asnjë kusht sigurie.
Një prej mësueseve të shkollës, dëshmon se në raste kur moti është i keq, ndodh që telat edhe të këputen e të bien në oborrin e shkollës. Dëshmi kjo tepër shqetësuese për familjarët dhe vetë nxënësit, të cilët kanë një rrezik konstant çdo ditë pranë tyre.