• |
ide | kryesore

Zbulohet skandali, kompania që fitoi tenderin e Unazës së Re, falsifikoi letrën e Sekretarit të Shtetit të Delaware të SHBA-së

Lajme, Të fundit



Emisioni “Të Paekspozuarit”, ka arritur të zbulojë një mega skandal, lidhur me kompaninë Dunwell Haberman (kompania mëmë e DH Albania) e cila është fituese e lotit të parë prej 18 milionë euro për rindërtimin e Unazës së Madhe. Kjo kompani ka depozituar në Qendrën Kombëtare të Biznesit në Shqipëri, një letër nga Sekretari i Shtetit të Delaware, Jeffrey Bullock, për të vërtetuar se kompania është themeluar në vitin 1998.

Letra e depozituar në QKB nga kompania:

Por, “Të Paekspozuarit”, ka zbuluar se ky dokument është i falsifikuar.

Ne kontaktuam Departamentin e Shtetit të Delaware, për të vërtetuar autenticitetin e dokumentit që ka depozituar në Shqipëri, kompania offshore. Përgjigja që morëm prej tyre ishte shokuese.
Ja cila është ajo:

“Pas konsultimit me Departamentin e Korportave të Delaware, unë mund t’ju deklaroj se dokumentat që ju na keni dërguar, nuk janë autentike dhe nuk e kanë origjinën nga zyra e Sekretarit të Shtetit të Delaware.

Nga të dhënat e gjurmimit të brendshëm, nuk u gjet asnjë dokument për vërtetimin e gjendjes së entitetin në Delaware të cilit i referoheni (Dunwell Haberman LLC), që të jetë lëshuar në datën ose rreth datës së shënuar në dokument.

Për më tepër, vërtetimet për gjendjen e kompanive të cilat Departamenti i Korporatave lëshon, nuk kanë përmbajtje të njëjtë me dokumentat të cilat na keni dërguar.

Gjithashtu, dokumentat që ju na keni paraqitur, theksojnë se Dunwell Haberman LLC, është krijuar në 25 Qershor 1998. Të dhënat e Departamentit të Korporatave, tregojnë se ky entitet është krijuar në 25 Qershor 2018, sipas të dhënave publike, bashkëngjitur kësaj letre.

Datat dhe numrat e verifikimit, gjithashtu janë ndryshuar në disa vende në dokumentat që ju keni dërguar.

Brenda mundësive tuaja, ju lutem më dërgoni informacion lidhur me burimin e këtij informacioni mashtrues. Faleminderit për kërkesën tuaj.

Sinqerisht,

Doug Denison

Drejtor i Mardhënieve me Komunitetin

Departamenti i Shtetit të Delaware “

Njëkohësisht emisioni “Të Paekspozuarit”, i dërgoi Departamentit të Shtetit të Delaware, aktin e themelimit të kompanisë, dorëzuar në QKB-në shqitpare, ku sërish pretendohet se data e themelimit të kompanisë është 25 Qershor 1998.

Përgjigja e zyrtarëve të Departamentit të Shtetit të Delaware, qe e njëjtë. Edhe ky dokument ishte falsifikuar.

Akti i themelimit të kompanisë, i dorëzuar në QKB, i falsifikuar:

Për të vërtetuar këtë fakt, zyra e Sekretarit të Shtetit të Delaware, i dërgoi emisionit “Të Paekspozuarit”, çertifikatën origjinale të themelimit të Dunwell Haberman, ku duket qartë se data e themelimit është pikërisht 25 Qershor 2018.

Nëse i krahason dokumentat, ata janë thuajse identikë, me përjashtim të datës.

Dokumenti origjinal:

Vini re se dokumenti origjinal, lëshuar nga zyra e Sekretarit të Shtetit të Delaware, konkretisht Divizioni për Korporatat, është depozituar në orën 11:37 të paraditës, në datën 25 Qershor të vitit 2018. Ndërsa në dokumentin e falsifikuar dhe të dorëzuar nga kompania offshore në QKB-në e Shqipërisë , figuron se depozitimi i dokumentit të themelimit është bërë në orën 11:37 të paradites në datën 25 Qershor të vitit 1998.

Dokumenti origjinal: 

Dokumenti i falsifikuar: 


I njëjti falsifikim është bërë në fund të dokumentit. Vini re se origjinali ka të shënuar si datë të themelimit të kompanisë vitin 2018, ndërsa dokumenti i falsifikuar mban vitin 1998.

Dokumenti origjinal:

Dokumenti i falsifikuar: 

Ky falsifikim shokues, e ka ndihmuar kompaninë Dunwell Haberman, të fitojë lotin prej 18 milionë euro të tenderit për rindërtimin e Unazës së Madhe, duke krijuar imazhin e rremë se kjo është një kompani 20 vejcare dhe me eksperincë në projektet e infrastrukturës. E vërteta është se kjo kompani është themeluar në 25 Qershor 2018, vetëm dy muaj përpara zhvillimit të tenderit, pra qartazi, ajo është krijuar enkas për të fituar këtë tender.

/TPZ.AL/



14 Comments

  1. Si fitojne hajdutet e shtetit!! Te q*fsha shtetin e bythes!!! Dhe ata merumet ia u lane shtepite tiu prishi Rama!

  2. Ore keta kujtojne se eshte akoma viti 1991 kur shqiptaret nuk dinin cfare ishte kompjuteri dhe interneti. Sot komuniki dhe marrja e informacionit eshte bere aq e thjeshte sa me habit idiotsia e tyre per te fallsifikuar dokumente te tille

  3. Po KY Kari Shkullak kujton se jemi dedektive ne,e mbush me foton dhe perkthime sikur ne jemi prokuroria.Fshatar pa toke,fshatare troke, komplet idiot.

    1. Po pra. Shkullaku duhet ta dinte që ti dhe rilindasit e tjerë jeni idiotë me diplomë, prandaj duhet t’jua shpjegonte me rrokje.

  4. Kjo të u tregohet atyne pleqëve të shkretë që dënoheshin për shkak se dilnin me shit ndo nji trum qepë apo presh!!!!!

  5. BUSHAT JU FALEMINDERIT QE NA JEPNI HAPSIREN PER TE SHKRUAJTUR KAME NJE MENDIM QE NE QOFTE SE DO RRETHOJME MINISTRIN E ARSIMIT QEVERIN DUA QE TE SHTOJ DHE NJE KERKES SHUME SHUME DHE ME SHUME LEGJITIME ME KUJTOHEN CA SERVILA SPIUN MASKERENJE MEDJA QE PARA 5-VITESH I SHKONIN BERISHES DHE NE BANJO NUK E LININ QE TE KRYENTE NEVOJAT PERSONALE DUKE JU SERVILOSUR DHE JA ARRITEN SHEMBULL TV ABC TV.KLAN E CA E CA TE TJERA QE SOT I RRINE RAMES TEK DERA E BANJOS DHE SE LEN TE KRYEJ NEVOJAT PERSONALI PER TA RRJEPUR DHE JA ARRITEN DHE TANI NUK JAPIN LAMET AHTU SI JANE POR THIRRIN PATOSIN KUR DUHET TE THIRRI TE TJER TE DJATHT KETA QELBESIRA SERVILA SPIUN GJAKPIRS PO NA DETIROJN QE TU MBYLLIM DEREN NESE NJE DIT DO I RRETHOJME EDHE ATA PER SHTREMBERIM LAJMESH KETA TE PA NGOPUR SANDRI ,LESI, NIKOLLA, SANDRI, PRENGA,NOKA ,DISA DEPUTET TE PERZIER NE KRIME.DHE NE FUND MARKU.

  6. Kane ca amerikane per hajnat tane ktu ne Albanistan, por se u dashkan edhe te tjere amerikan per fallsifikator amerikan kete se kisha besu

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *