Në një kohë kur studentët ngrenë zërin edhe për përmirësimin e kushteve të konvikteve, Top Channel ka bërë një vëzhgim brenda godinave të rezidencës universitare studentore nr.1 në Tiranë, për të parë se çfarë ofron kjo rezidencë, sidomos me ardhjen e dimrit. Kjo është një nga dhomat e konvikteve në qytetin Studenti ku jetojnë 3 studente mes lagështirës në 15 metra katror.
“Kemi vetëm një lavaman, ku lajmë enët, sytë dhëmbët në mëngjes. Dhe nuk mjafton besoj për 3 goca në një ambient kaq të vogël”, shprehet një studente.
Një dhomë ku mësohet edhe gatuhet, dhe ku ngrohja mungon. Gjumi në dyshekët me njolla, apo dyshekë që u kanë dalë sustat nuk bëhet i qetë. Problem mbetet edhe ngrohja, pasi prej vitesh kaldajat nuk punojnë.
“Ngrohësen e kemi blerë vetë, dhe kjo tostierja, frigoriferi apo interneti janë të gjitha tek një prizë”, shprehen studentët.
Por ajo çka të alarmon është rreziku që u kanoset nga elektriciteti. Vetëm një javë më parë, 3 studenteve u shpërtheu e vetmja prizë që kanë.
Por vështirësitë nuk mbarojnë me kaq.
Dera është një problem tjetër për konviktet që kanë ballkon, pasi nuk kanë asnjë siguri.
Papastërtitë në tualetet e përbashkëta dhe oraret për të bërë dush është një shqetësim tjetër i studentëve, me dritaret pa xhama nga ku hyn i ftohti.
“Për më tepër nuk është vendosur dorë, apo të përmirësohen kushtet e kësaj dhome dhe kjo ka sjellë që salla studimi të kthehen në dhoma, e si pasojë tani ka vetëm dy salla studimi në dy godina”.
Të tre vajzat paguajnë nga 45 mijë lekë në vit për t’u strehuar në këto godina, dhe nëse vetëm 1/3 e pagesës do të investohej çdo muaj në dhomën e tyre, tregojnë studentet, kushtet në vitin e dytë të shkollimit të tyre do të ishin shumë më të mira. Dhe pyetja që ngrenë është ku shkojnë lekët?!/tch
A ke ndonje ide sa fonde mbledh erjonka nga taksa e arsimit qe ju a merr edhe pensionistave? Kerkojeni me shkrim nga mica anglisht folese e financave.
A e keni idene sa fonde mbledh madmazel kecapi nga tarifat e dpd dhe te fshehta nga ju.
Atehere shuma e dy shumave ku shkon? Sa harxhohet per ju? Ah mos harroni edhe 1500 lekshin e bankes qe detyroheni te paguani per cdopages per universileshet. Kjo asht me knaq bankat pyesni malajn se mica zdin gja?
Kjo duhet te jete tema per protesten e radhes
Sot kemi teme tjeter
Te njejta kushte pak me mire se ne kohen kur kam studiuar une ne vitet2010-2015 kur saliu dhe shpura e tij benin kerdine ne qytetin studenti me ne kryetrimin Kir Hajdari dhe me drejtor Brovina,lajmet e top chanel do hani buke ju te lapsit dhe skifterat e PD
kjo eshte dicka e trasheguar vit pas viti. mosinvestimi ka sjellur ne gjendje por ndryshimet kane filluar dhe Rama e postoi dje projektin per konviktet