• |
ide | kryesore

Zëri Amerikës tregon skandalin / Si u manipulua me tenderin e Unazës se re

Arkiva, Kryesore



Në Shqipëri, dokumentat e publikuar mbrëmjen e së enjtes në emisionin “Të Paekspozuarit” në televizionin “News 24” hedhin hije të forta dyshimi mbi tenderin e zhvilluar për ndërtimin e Unazës së Re të kryeqytetit. Fituesi për realizimin e një prej 3 pjesëve të rrugës, është bashkimi mes kompanisë shqiptare Biba X dhe kompanisë DH Albania, kjo e fundit e regjistruar në muajin korrik të këtij viti, pak përpara se të hapej tenderi, me përfaqësues të saj një 26-vjeçar shqiptar, Avdiol Dobi. Sipas dokumenteve të bërë publikë, të cilët i referohen Qendrës Kombëtare të Biznesit (QKB), kompania DH Albania është degë e kompanisë Dunwell Haberman, themeluar në shtetin Delawere të Shteteve të Bashkuara të Amerikës në qershor të vitit 1998. Për këtë ajo ka depozituar në Qendrën Kombëtare të Biznesit në Shqipëri, një letër nga Sekretari i Shtetit të Delaware, Jeffrey Bullock, që vërteton aktivitetin e saj në këtë shtet dhe po ashtu dhe datën e themelimit 20 vjet më parë.

Emisioni “Të Paekspozuarit” i është drejtuar Departamentit të Shtetit të Delaware për të verifikuar të dhënat mbi kompaninë Dunwell Haberman. Përgjigja zyrtare e dhënë nga Drejtori i Marrëdhënieve me Komunitetin, Doug Denison ka zbuluar se dokumenti i paraqitur pranë institucioneve shqiptare është i falsifikuar. “Dokumentet që ju na keni dërguar nuk janë autentike dhe nuk e kanë origjinën nga zyra e Sekretarit të Shtetit të Delaëare. Vërtetimet për gjendjen e kompanive të cilat Departamenti i Korporatave lëshon, nuk kanë përmbajtje të njëjtë me dokumentat, të cilat na keni dërguar. Gjithashtu, dokumentat që ju na keni paraqitur, theksojnë se Dunwell Haberman LLC, është krijuar në 25 qershor 1998. Të dhënat e Departamentit të Korporatave, tregojnë se ky entitet është krijuar në 25 qershor 2018, sipas të dhënave publike, bashkëngjitur kësaj letre. Datat dhe numrat e verifikimit, gjithashtu janë ndryshuar në disa vende në dokumentat që ju keni dërguar”, shkruhet në përgjigjen që Departamenti i Shtetit të Delaware, i ka dhënë emisionit “Të Paekspozuarit”.

LEXO EDHE:

FOTO/ Rama, Tahiri, Xhafaj e Balla rrugëve të Tiranës si personazhe të ‘Narcos’

Drejtuesi i emisionit, Ylli Rakipi tregoi se i ka dërguar Departamentit të Shtetit të Delaware dhe aktin e themelimit të kompanisë, dorëzuar në QKB-në shqiptare, ku sërish pretendohet se data e themelimit të kompanisë është 25 qershor 1998. “Përgjigja e zyrtarëve të Departamentit të Shtetit të Delaware qe e njëjtë. Edhe ky dokument ishte falsifikuar”, u shpreh zoti Rakipi, duke publikuar dhe çertifikatën origjinale të themelimit të Dunwell Haberman, “ku duket qartë se data e themelimit është pikërisht 25 qershor 2018”. Për më tepër, kompania rezulton të ketë dorëzuar pranë QKB-ës dhe bilance e pasqyra financiare false të viteve 2015, 2016 dhe 2017, ndërkohë që është themeluar në qershor të vitit 2018.

Në garën për Lotin I të projektit të Unazës së Re, dega shqiptare e kompanisë amerikane, DH Albania, së bashku me kompaninë shqiptare Biba X u shpallën fitues ndërsa konkurrenti i tyre, kompania Vëllezërit Hysa, vetëm sa ishte regjistruar në garë dhe nuk kishte paraqitur asnjë dokument. DH Albania dhe Biba X (kjo e fundit rezulton të ketë vetëm 7 përqind në këtë konsorcium) fituan me një ofertë që përfaqëson gati 45 përqind të të gjithë investimit, ose pak më shumë se 18 milion euro (pa TVSH).

Partia Demokratike, e cila ka hedhur akuza se e gjithë gara është korruptive, një muaj më parë publikoi dokumente se kompania Biba X ka qenë nën sekuestro për çështje borxhesh në momentin që ka marrë pjesë në garë, ndërsa për partnerin amerikan se është kompani offshore, me pronarë të panjohur.

Në kundërpërgjigjen e tij Autoritetit Rrugor Shqiptar (ARRSH) theksonte se “bazuar në veprimtarinë ekonomike të saj në vendin e origjinës, duke mbajtur kategoritë maksimale (kategoria G) për 30 nga 32 kategori punimesh të ndërtimit, Dunwell Haberman ofron një gamë gjithëpërfshirëse të shërbimeve inxhinierike dhe teknike në botë dhe ka një staf prej mbi 3500 punonjës”. Ndërsa për kompaninë Biba X shpjegonte se “plotëson kriteret e dhëna konform dokumentave te tenderit dhe është në perputhje të plote me rregullat e prokurimit publik. Ky operator në asnjë rast dhe në asnjë moment referuar ekstraktit të QKB-së nuk ka qenë në proces falimentimi dhe statusi rezulton aktiv”, u shpreh ARRSH-ja.

Projekti për realizimin e Unazës së Re është shoqëruar me kundërshtimin e fortë të banorëve banesat apo bizneset e të cilëve do të duhet të prishen. Një pjesë e mirë e tyre rezulton të jenë ndërtime pa leje për të cilat, autoritetet kanë premtuar banesa sociale apo një bonus qeraje për tri vite. Ndërsa për ndërtimet që kanë një lejë të rregullt do të bëhet kompensimi sipas ligjeve në fuqi. Por shumë nga banorët nuk e pranojnë këtë zgjidhje. Për gati 5 javë, ata protestojnë duke bllokuar çdo pasdite kalimin në aksin ekzistues, ndërkohë që prishja e ndërtimeve të para ka nisur prej disa ditësh. VOA



5 Comments

  1. Kjo eshte veper direkte e Rames dhe Veliajt.Eshte hapur puseta e korrupsionit me parate publike qe eshte po aq e tmerrshme sa trafiku i droges.N.q.s do analizohen tenderst e oborrtareve te KM do zbulohen vjedhje te tmerrshme,falsifikime qe kalojne imagjinaten normale.Duhet nje revolucion i madh kunder korrupsionit,duhet nje pastrim i kesaj bande hajdutesh.

  2. Kam votuar gjithmone ps. Jam i majte sepse edhe bindjet e mia jane te tilla. E them me gjithe shpirt qe ndjehem i zhgenjyer me gjithe keto te zeza qe ben rama. Nuk ka mundesi te hidhen 40 milione euro per dy km rruge pa u bere asnje lloj verifikimi se ku shkojne. Per nje vend te varfer si ky i yni jane shume.

  3. Kush merr vesh nga procedurat e tenderimit, por dhe ata qe nuk e njohin kete fushe, duhet te dine se per tendera shume me te vegjel me procedure te hapur pjesemarresit dorezojne nje tuf me documenta te cilat verifikohen. Flas per tendera 2 milion- 5 mil leke te reja. I kalijne ne duar te pakten 4 komisione , dhe pas tyre eshte APP dhe KPP qe shikon proceduren dhe merr ankesat.
    Imagjino per nje tender 18 MILION EURO!
    Eshte e paimagjinueshme, ordinere menyra si ndodh. Kesaj i thone te vjedhesh si me qene ne prone tende. Vetem ky fakt tregon kaq shume, se ne qafen e kujt, varen melcite e ketij vendi.
    Keta jane cete grabitesish, bande ordinere hajnash qe vjedhin e vjedhin e kurre nuk u ngopen.
    Kjo ishte rilindja, ky eshte projektuesi i kesaj mega skeme vjedhjeje , kryehaleja rama.
    Eshte bere muti mullar sa ska ku te vej me.

  4. Uroj me gjithe shpirt e zemer qe studentet e bashke me ta gjithe populli te terheqin zvare, kete legen , kete moster, kete race te poshter qe nuk ngopet duke vjedhur e bere zullume.
    Eshte bere aq i padurueshem, aq i shpifur sa ta peshtysh ne goje e ka pak.
    Pervers e manjak psikopat.

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *