“Avengers: Endgame” e ka nisur mbarë, traileri i parë arrin rekord, është bërë më i shikuari ndonjëherë në 24 orët e para, me 289 milionë shikime.
Kaloi dhe rekordin e “Avengers: Infinity War”, 236 milionë, por për “Marvel” nuk duket se është ndonjë problem, përkundrazi. Edhe në rrjetet sociale, “Avengers: Endgame” ka vendosur një tjetër rekord, falë 549 mijë “tweet” vetëm në 24 orët e para nga publikimi i trailerit. Podiumi i këtij klasifikimi ngjyroset “Marvel”, pasi gjenden “Avengers: Infinity War” me 389 mijë “tweet” dhe “Black Panther” me 349 mijë.