Studentët po protestojnë masivisht këtë të martë në të gjithë vendin. Ata kanë marshuar në Bulevardin Dëshmorët e Kombit për t’u stacionuar më pas para Ministrisë së Arsimit. Ata e kanë nisur duke kënduar Himnin Kombëtar ndërsa në duar mbanin parulla për plotësimin e kërkesave të tyre, kryesisht uljen e tarifave. Përpara ministrisë së Arsimit janë mijëra të rinj që kërkojnë ndryshimin. Ata i kanë vënë një ultimatum deri në orën 16.00 qeverisë të miratojë kërkesat e tyre në të kundërt kanë paralajmëruar përshkallëzim të protestës. ©LAPSI.al