Akoma nuk ka kaluar një javë që nga përfundimi i festivalit “Kënga Magjike”, ku kompozitori triumfoi me “Plas”.
Në një postim të bërë në profilin e tij personal në Instagram, Flori ka postuar një foto me reperin Getoar Selimi dhe mikun e tij prej kohësh Brunon. Pak më vonë të njëjtën foto dhe me të njëjtin mbishkrim ka postuar edhe reperi nga Kosova në profilin e tij. “Mori”-shkruajnë ata në mbishkrimin që shoqëron foton, duke na zbuluar kështu edhe titullin e këngës që pritet te publikohet së shpejti. Nuk është hera e parë që Flori dhe Geti bashkëpunojnë me njëri-tjetrin, madje këngët “Baby” dhe “Ani ani syn” vazhdojnë akoma të dëgjohen.