• |
ide | kryesore

Njoftimi/ Nesër nis shpërndarja e shpërblimeve për pensionistët

Lajme, Të fundit

Nesër fillon shpërndarja e shpërblimeve për pensionistët. Lajmin e dha kreu i Institucionit të Sigurimeve Shoqërore, Astrit Hado. Pagesa e shpërblimit për pensionistët do të jetë 5 000 lekë të reja.

Kreu i ISSH, shkruan se çdo ditë nga nesër deri në orën 14:00, do të realizohet pagimi i pensionit dhe shpërblimi për ata pensionistë që kanë datën e tërheqjes së pensionit.


Nga ana tjetër, Hado njofton se të gjithë ata pensionistë që nuk do arrijnë ta tërheqin këtë shpërblim deri më datë 29 dhjetor, do të mund ta marrin atë bashkë me tërheqjen e pensionit në muajin Janar 2019 e në vazhdim.

Njoftimi i plotë: 

Të nderuar pensionistë,

Mbështetur në VKM nr. 732, datë 12.12.2018 “Për shpërblimin e pensionistëve për festat e fundvitit, 2018”, Instituti i Sigurimeve Shoqërore në bashkëpunim me Postën Shqiptare sha, duke filluar nga dita e hënë, datë 17 dhjetor 2018, do të fillojë pagesën e shpërblimit të festave të fundvitit për pensionistët, në masën 5,000 lekë. Për të realizuar në kohë dhe me korrektësi dhënien e këtij shpërblimi është realizuar një grafik në të gjitha qendrat paguese të postës. Sipas këtij grafiku, të miratuar për këtë qëllim, do të punohet me orar veprimi nga ora 7.30 deri në orën 20.00, çdo ditë, duke filluar nga data 17.12.2018. 

Çdo ditë, deri në orën 14:00, do të realizohet pagimi i pensionit dhe shpërblimi për ata pensionistë që kanë datën e tërheqjes së pensionit dhe pas kësaj ore do të paguhet shpërblimi për pensionistët që e kanë tërhequr pensionin para kësaj date, sipas grafikut të mëposhtëm.

Instituti i Sigurimeve Shoqërore ka gjeneruar shpërblimin në sistemin informatik dhe gjithshka është gati në portalin e pagesave për t’u paguar, për të gjithë përfituesit. Njëkohësisht janë garantuar dhe transferuar fondet tek Posta shqiptare sha, si agjent pagues.

Pensionistët që e tërheqin pensionin pranë bankave të nivelit të dytë, në datën e pagesës së pensionit 20.12.2018, do t’iu transferohet edhe masa e shpërblimit.

Për pensionistët që e tërheqin pensionin në zyrat postare në fshatra, shpërblimi do të paguhet sipas datave të pagesës së pensioneve, duke filluar nga data 18 dhjetor e në vazhdim.

Grafiku i shpërndarjes së pagesave është dakortësuar midis ISSH-së dhe POSTËS SHQIPTARE sha.

Të gjithë ata që nuk do të mund ta tërheqin këtë shpërblim deri më 29 dhjetor, do të mund ta marrin atë bashkë me tërheqjen e pensionit në muajin Janar 2019 e në vazhdim, pasi faturat janë të gjeneruara.

Astrit Hodo

1 Comment

  1. Po kalojini ato para të pensionistëve pleq direkt në banka se i torturuat në ftohtit e dimrit e diellin e verës të rinë të presin m orë të tëra në rradhë siç prisnin të gjorët gjithë natën për të marë një shishe qumështi e shkonin me sytë e mufatur nga pagjumësia për të punuar tetë orë për vetëm dy dollarë të qelbura.
    E ka zgjidhur këtë punë me pensionistët, jo vetëm Europa, por edhe vende të prapambetura të Afrikës.
    Më bank-kartë pensionisti mund të shkojë e të tëerheqwë pensionin e tij në çdo bankomat gjatë 24 orëve.
    Kaq e vështirë qenka që të mos i torturosh të gjorët pensionistë shqiptarë që kanë pensionet ndër më të ultat në botë ? Sa paguan me mijra nëpunës poste që ndajnë pensionet, me një bankomat mund të rriten pensionet

Lini një Përgjigje

Adresa juaj email s’do të bëhet publike.

Kthehu