Manchester United nis tashmë kërkimin për pasuesin e Josè Mourinho në pankinë. Një situatë e komplikuar për tu administruar, sepse bëhet fjalë për një të ndërtuar, pavarësisht se jashtë objektivave. Detyra e ngarkuar Michael Carrick është aq provizore, sa për të shmangur kaosin. Por për ndeshjen e ardhshme të kampionatit kundër Cardiff, klubi kërkon të prezantohet me trajnerin e ri.
Hipoteza e parë është ajo e zgjedhje së një trajneri me emër menjëherë, duke i besuar një projekt afatgjatë. Në këtë rast emrat e disponueshëm janë dy e që të dy francezë: Zinedine Zidane (i cili është përmendur për United edhe një muaj më parë) është i lirë pas divorcit me Real Madrid. Gjithashtu të njëjtin impenjim ka edhe bashkëkombasi i tij Laurent Blanc, emri tjetër që preferohet duke qenë se e ka veshur fanellën e Red Devils si lojtar. Sipas njoftimeve të medias britanike, në lojë është edhe Leonardo Jardim, portugezi që po shijon pushimet pasi u largua nga Monaco.
Ka edhe një tjetër hipotezë, që është ajo e të besuarit të një trajneri provizor për të tentuar më pas në përfundim të sezonit një trajner me peshë. Nëse drejtuesit e Red Devils duhet ti shkojnë pas kësaj strategjie, kanë nevojë të gjejnë njeriun e duhur për të vazhduar sezonin pa i përkeqësuar akoma rezultatet. Emrat e lidhur me historinë e klubit dhe lavdinë e dikurshme janë: Roy Keane (që nuk punon që nga 2014), Ryan Giggs (trajneri i kombëtares së Uellsit, që mund ti kryejë të dyja detyrat) e Ole-Gunnar Solskjaer (trajneri i Molde në Norvegji).