Çudi në Manchester: José Mourinho nuk është më trajneri i Red Devils. Lajmin e ka publikuar vetë klubi anglez, me një komunikatë të shkurtër për shtyp në faqen e tij zyrtare: “Manchester United njofton se José Mourinho është larguar nga klubi – shkruar nota zyrtare. Duam ta falenderojmë për punën e bërë në këtë periyudhë duke i uruar suksese në të ardhmen”.
Akoma nuk është e qartë nëse Mourinho është larguar vetë nga Manchester United si shkruan komunikata apo është shkarkuar. Në Angli, në fakt, të gjithë flasin për shkarkim për shkak të rezultateve të marra deri tani e raporteve të vështira me disa nga lojtarët, mbi të gjithë me Paul Pogba. Është e mundshme që Special One të ketë kërkuar ta bëjë publike ndarjen e vullnetshme për cështje imazhi, por në realitet bëhet fjalë për një vendim të klubit.
Në komunikatën e shfaqur në faqen zyrtare të Manchester, lexohet se “një trajner i ri do të emërohet deri në fund të sezonit, ndërsa klubi do të nisë një fushatë për të seleksionuar një trajner të zgjedhur përfundimtar”, që do të drejtojë skuadrën në sezonin e ardhshëm. Mundësia më e madhe për të drejtuar Djajtë e Kuq provizorisht është Michael Carrick.
Manchester United has announced that Jose Mourinho has left the Club.
We would like to thank him for his work during his time at Manchester United and wish him success in the future. #MUFC
— Manchester United (@ManUtd) December 18, 2018