• |
ide | kryesore

Studentët turpërojnë Ramën në Vlorë (VIDEO)

Kryesore, Lajme



Kryeministri Edi Rama vijoi edhe sot përpjekjen e tij të dëshpëruar për të improvizuar gjoja një dialog me studentët. Stacioni i sotëm ishte Universiteti ‘Ismail Qemali’ në Vlorë, ku ai u prit me protesta që ne hyrje. Studentë të revoltuar, pjesë e protestës që vijon prej disa ditësh, i treguan Ramës se nuk ishin lejuar të merrnin pjesë në takim, duke lënë kështu të kuptohej se ishte një tjetër takim i sajuar prej kryeministrit si ai që pamë te Fakulteti i Gjeologjisë dhe më pas në Universitetin Bujqësor.

Megjithatë edhe studentët ‘rebelë’ kishin arritur të depërtonin mes auditorit, qoftë dhe sa për t’ia plasur në fytyrë disa të vërteta kryeministrit. Kishte nga ata që pasi ia thanë gjërat në sy u larguan nga takimi, ndërsa të tjerë bënë rezistencë duke qëndruar brenda, por njëkohësisht i numëruan Ramës gjithë dështimet e tij. E quajtën mashtrues, e akuzuan se trajton popullin si dele, madje i përmendën edhe vilën në Surrel.

I kapur ngushtë, Rama u mundua mes batutave ta kapërcente situatën, ndërsa me cinizëm u tregonte studentëve celularët iphone që mbanin në dorë. Sa për shtëpinë, u tha se e kishte ndërtuar me kursimet e tij si gjithë emigrantët. Ja një pjesë e debatit mes Kryeministrit dhe një studenti.

Rama: Në varfërinë që je.. si e bleve iphone.

Studenti: E fitova në një konkurs të një organizate.. se me tha edhe motra mos e nxirr.

Rama: Qetësohu hë të keqen vëllai, e kuptoj që është dita jote kjo.

Studenti: Për shpinë në Surrel, si e bëtë, meqë keni deklaruar se punoni dhe merrni 2 mijë euro. Unë e justifikoj timen, po e justifikoni ju tuajat.

Rama: Si e paguan atë? Mirë e keni fituar. Shtëpia ime është e deklaruar në çdo detaj dhe taksat i ka të paguara të gjitha. Mos u bëj si Saliu. Me mua lufto sa të duash se vetëm shëndet të bëhet, por mos e tepro, për veten tënde, jo për mua. Do takohemi prapë bashkë, për mirë. Vetëm të lutem mos u bëj si Saliu.

Po i njëjti student i bëri kryeministrit epitafin e qeverisjes së tij. Pa e thënë me fjalët që thuhen rëndom “qeverisje fasadë” ai e ka sintetizuar me një shprehje vlonjatshe: “Duket sikur është një diferencë e vogël, por ju bëni sikur të dëgjoni, por në fakt nuk të vini veshin” e përkufizoi studenti qeverisjen monolog të Ramës.

Ai renditi edhe një pasqyrë sociale të familjes së tij, ku nëna nuk merr dot takim tek okulisti, kur ndryshe nga legalizimi falas i ati ka marrë kredi për legalizimin e shpisë. Ai shkoi edhe më tej duke denoncuar se një freshist i ka ofruar vend pune në bashki nëse do të votonte në zgjedhje për PS-në.

“Të gjitha këto bëjnë që ne të kërkojmë mundësi për të ikur nga ky vend dhe ju jeni një kryeministër që po na nxisni të ikim, se edhe tani thoni: “Dil jashtë po s’ishe dakord” tha studenti i cili do të mbahet mend për shprehjen: “Ju të dëgjoni por nuk të vini veshin”.

Një tjetër  student e ;gozhdoi’ Ramën duke e quajtur mashtrues, ndërsa kryeministri e cilësoi rrugacerore sjelljen e tij.

“Ju jeni mashtruesi më i madh në këtë vend. Ju jeni i forti në këtë vend. Fëmijët e vegjël nuk kanë më frikë nga Gogoli, kanë frikë nga ju. Obobo do na bëjë këtë! Obobo Edi Rama! Kush është Rama?! Keni bërë ca keni bërë me popullin, me ne qendroni korrekt! Jam i lumtur nëse nuk pushkatohem pas kësaj që thash. Kjo është një shfaqje e ndyrë, e ndyrë ta dini. Ne nuk jemi dele ,dialogun nuk e pranoj”, u shpreh studenti.

Si iu përgjigj Rama.

“Rrugaçëria nuk është trimëri, të çohesh dhe ta fyesh tjetrin nuk është trimëri! Rrugaçëria është rrugaçëri, e para. Ti merr fjalën dhe thua një gjë që ke dëgjuar, më vjen keq pë rata që I votojnë ata pesona që thonë këto fjalë.

Unë mund të jem ironik, po kurrë nuk do të dëgjosh nga unë akuza rrugaçërore. Nuk të bëjnë trim, fyerjet. Ti nga unë do të rrosh 100 vjet, unë ta kam merakun ty për veten tënde. Ç’a je ti mo? Ç’a je ti që nuk dëgjon, fole, çfarë nuk the dhe të lashë që të mbaroje. Ti flet njësoj si ata që të kanë hedhur ty trutë e gomarit”, u shpreh Rama.

Në fund, studentët e përcollën Ramën me vërshëllima dhe brohoritje kundër tij.

I gjithë takimi i sotëm i kryeministrit, dëshmon ndër të tjera se protesta e studentëve nuk është thjesht dhe vetëm për çështje tarifash. Rebelimi i tyre dëshmon gjithashtu edhe pakënaqësinë e gjithë qytetarëve të tjerë me qeverisjen e Rilindjes.

©LAPSI.al




14 Comments

  1. Problemi eshte se ata nuk jane nga Vlora dhe nuk ndikojne dot ne balancen elektorale ne zgjedhjet lokale sepse vlonjatet dhe bregu votojne 90 % ramen.

    1. Heren tjeter votojeni 100% sepse do ju lejoje te mbilleni perseri kanabis sepse ju po jetoni ne parajse..me vjen mire per ju dhe rame ripjedhjen..?

  2. O i gjate, ik se u bere gazi botes. Ben si gjynafqare, duron talljen dhe neperkembjen, perbuzjen dhe ofendimin , si e si ta shtysh nje dite me shume. Se nje dite me shume ne ate karrike per ty perkthehet 100 mijera eu.
    Por trego ne fund pak dinjitet. Mos u shtyp kaq shume o burr i dheut.

  3. Skiftere me mire te bisedosh me njerzit se ti vrasesh ato,ashtu si beri korbi I Zi sali dhe sorra lul ne gerdec dhe bulevard me duar ne xhepa,dhe ne fund pati te drejte patozi kur tha qe basha ka talent per ti mbyllur protestat

  4. Rama sot ka kuptuar dicka, po te vendoset i katerri ne listen e Vlores rrezikon mandatin. Sa per kerkesen qe ben per miresjellje duke harruar se cfare fyerjesh iu ka bere ai njerezve dhe mbare popullit (kur tha nuk ngrihet), mendoj se vjen ngaqe oligarket po largohen prej tij dhe po afrohen me kampin tjeter. Kush investon tek nje njeri qe i kane rene kaq shume kredencialet? KM e di se te vetmit njerez tek te cilet mumd te mbeshtetet jane Elisa ne boten e cudirave, Tao Tao dhe ndonje gjigant tjeter. Edhe Lejfeni e ka tradhetuar dhe prandaj sot pame nje KM qe nuk i pergjigjej fyerjeve..

  5. ai qe i paska bo zbor sipas jush Rames na doli me foto dhe me ze aktivist i thekur e Koco Kokedhimes me Partine Zgjidhja, lexoni portalet e tjera se ktyre të lapsit nuk ju intereson kjo info… spaska faj Rama kur thote qe jane te PD, LSI tani dolen edhe te Kocos hahahaha jepi RAME meshtillja te treve bashk…

    1. Mire qe na e the o tironc kete info, se per pak e besuam qe Rama eshte vertet mashtrus …..!!!!!! Nuk do te na zinte gjumi naten . Rrofsh

  6. Nje tufe me pederaste bejne hero nje koco te vogel,duan sduan por studentet po debatojne por si kthufa te rinj,nuk debatojne per hallet e tyre por shkembejne batuta me ramen,dhe ju pede kerceni nga gezimi per keta kllufa

  7. Studente te paedukate! Nuk i flitet nje me te madhi ne moshe ashtu, ai mund te ishte babai i juaj. Nuk i flitet ashtu kryeministrit te vendit!

  8. Romir seriozisht e ke vlla, ai km qe mund te ishte baba ka paditur babain e tij. C’krahasim pa lidhje, babai im nuk vjedh edhe nuk me mashtron.SI mund ta fyeni inteligjencen tuaj kaq shume duke e mbrojtur me cdo lloj argumenti kete njeri qe ka deshtuar te drejtoj shtetin?

  9. Romir…….. Eh SOTIR SOTIR po ky i shkreti e pranoi qe e mori lumi dhe pranoj qe edhe duhet te vdiste per mekatin qe kish bere , po ky i yti kur vall do e kuptoj qe kupa po i derdh aq shum uj saqe po mbush edhe te (atyre ) qe e kan te zbrazet pp qe thjeshte po i rrin prane dhe i mbajn anen .

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *