Bashkëshortja e kapitenit të Inter, Mauro Icardi, bën gjithnjë lajm, kur flet për sportin, edhe për faktin se Wanda Nara është gjithashtu agjente e sulmuesit argjentinas. Por ajo që tërheq edhe më tepër audiencë është kur Wanda bëhet enigmatike, si në rastin e një postimi në Instagram, të vështirë për tu deshifruar.
Në javën e fundit, është kthyer “rasti Icardi”, që lidhet me rinovimin e kontratës së kapitenit me Inter. Motivi? Fjalët e Wanda Nara që kanë trazuar planet e drejtuesve zikaltër e për ti zbehur nuk mjaftoi as reagimi i menjëhershëm i tyre, duke mohuar cdo tratativë me Juventus.
Vetë menaxherja e lojtarit, në Instagram, ka publikuar një postim enigmatik, që për shumë mund të vlejë një të dhënë për një tjetër shigjetim ndaj shoqërisë: “Personat që lodhen të dëgjojnë të vërtetën, janë të njëjtët që jetojnë me gënjeshtra”.