Edhe pse nuk ka qenë kurrë një tifoz i José Mourinho, Roy Keane ka sulmuar ashpër lojtarët e Manchester United. Shkarkimi i Special One vazhdon të diskutohet në Angli e në këtë pikë nuk kanë munguar edhe kritikat kundër futbollistëve, si fajtor të situatës së krijuar, ose të paktën ky është mendimi i Keane: “Cdo trajner rrëzohet për fajin e lojtarëve. Lojtarë që janë mbi peshë, që nuk stërviten si duhet, e disa prej tyre janë për turp“, ka thënë ish-mesfushori i United për BBC Radio.
“Nuk jam fansi më i madh i Mourinho, por nuk mund të toleroj lojtarë që fshihen pas agjentëve të tyre, apo miqve të tyre gazetarë. Futbollistët e vranë Mourinho e u larguan me shpejtësi. U fshehën pas trajnerit dhe e hodhën poshtë një kamioni. Unë isha një lojtar i shkollës së vjetër, por ishte një shkollë e mirë. Kjo ideja që lojtarët ishin të turbulluar nuk është verifikuar vetëm tek United, është një problem i lojtarit modern. Nuk janë vetëm lojtarë të dobët, janë edhe qenie njerëzore të dobët. Nuk mund ti thuash atyre asgjë“.