Pas festimit të ditëlindjes së 20 të tij të enjten e kaluar, Kylian Mbappé përfundon 2018-ën me një çmim të ri në palmaresin individual, atë të lojtarit më të mirë francez të vitit akorduar nga revista France Football. Një vit i begatë për Mbappé që u rendit i katërti në garën për Topin e Artë 2018 duke lënë pas yllin e Barcelonës, Lionel Messi-n, ndërsa rrëmbeu çmimin “Raymond Kopa” si lojtari i ri më i mirë në botë.
Kylian Mbappé est élu meilleur joueur français de l'année France Football ! 👏 pic.twitter.com/gH2yd73ACe
— Ballon d'Or #ballondor (@francefootball) December 25, 2018
Juria, e përbërë nga kryeredaktori i France Football dhe ish-fitues të çmimit, shpalli më të mirin e edicionit të 61-të, lojtarin që fitoi Botërorin në Rusi dhe disa trofe të tjerë kombëtarë me PSG-në. Kështu Mbappé pason N’Golo Kanté në palmares. Për sa i takon klasifikimit të këtij viti, Kylian Mbappé ka lënë pas në Raphaël Varane dhe Antoine Griezmann.