Zbulohen detaje të reja nga ngjarja e rëndë që tronditi Tiranën mbrëmjen e së mërkurës. Nga një breshëri armësh mbeti e vdekur në vend në zonën e Laprakës një vajzë 17-vjeçare e identifikuar si Griselda Gjinkola. Ajo është qëlluar me plumb në kokë dhe ka ndërruar jetë në spital, ndërsa i dashuri i saj, 23-vjeçari, Erion Denga është plagosur me plumb në shpatull dhe ndodhet në spital në gjendje të rëndë shëndetësore.
Ngjarja ndodhi rreth orës 18:17 në një zonë të populluar. Çifti i të rinjve ka qenë ulur në një nga lokalet e zonës dhe më pas i janë drejtuar makinës. Lapsi.al mësoi se në këtë moment në drejtim të tyre janë afruar 2 persona të veshur me të zeza dhe të maskuar me kapuçë që kanë kapur zjarr.
Vajza e re nuk ka pasur mundësi të shpëtojë ndërsa i riu ka arritur që me makinë të shkojë deri në spitalin e Traumës që ndodhet aty pranë. Ai kal marrë në makinë edhe adoleshenten, por mjekët nuk kanë mundur të bëjnë dot gjë. Burime nga policia thonë se autorët janë identifikuar.
Paraprakisht besohet se shkak është bërë një konflikt mes të rinjve. 17-vjeçarja ka pasur një lidhje që e kishte ndërprerë pak kohë më parë. Ish-i dashuri ka pasur një përplasje fizike me 23-vjeçarin, Erion Denga dhe duket se gjërat janë agravuar më tej. Gjithsesi kjo mbetet ende në kuadrin e dyshimeve pasi asgjë nuk është konfirmuar. Lapsi.al mëson se policia po heton edhe një pistë tjetër pasi në vitin 2016, i plagosuri Denga është arrestuar i akuzuar për shantazhimin e një vajze të re me video intime duke i kërkuar 2 mijë euro.
Të gjitha këto pista janë duke u verifikuar. Policia thotë se po kryhen kontrolle për kapjen e autorëve. ©LAPSI.al
Rrofte LLESHI
Robt Lleshit e Rames, keta plehrat te ripjelles komuniste.???
O gazetar.. ” gjerat jane agravuar” = gjerat jane perkeqesuar ose pershkallezuar.
Mos na e shpifni me kete lloj shqipe qe na servirni cdo dite.
Lajmi kryesor i ditës duhet të ishte një skandal tjetër i Ramës.
Ai nuk ka lejuar që të organizohet një protestë e organizuar në Tiranë, nga diaspora shqiptare në tre ditët e fundit të këtij viti.
Të dalësh kundër pothuajse gjysmës së popullsisë shqiptare të emigruar, është një ngjarje më e rëndë edhe se protestat e studentëve.
Duket se kjo protestë e ka trembur kryeministrin edhe më shumë se protesta e studentëve pasi ai kujton se studentët mund ti manipulojë duke u shitur paradoksalisht edhe si “udhëheqësi” i tyre ndonëse kjartazi ata kanë dalë kundër tij
Frika e ka bërë që ta humbasë farë llogjikën
Nëse ai i pengon emigrantët që të vijnë e të protestojnë në atdheun e tyre, kjo do ti kthehet në bumerang pasi ata protestat do ti zhvillojnë para ambasadave shqiptare në vendet ku jetojnë e punojnë..