Milan e Higuain nuk kanë gjetur goli as në ditën e Shën Stefanit në shtëpinë e Frosinone dhe tifozët, kuqezinj ose kundërshtarë, kanë shprthyer në rrjetet sociale për të shprehur gjithë mërzinë, ironinë, apo për të komentuar momentin e vështirë të teknikut Gattuso dhe thatësirën e golit të sulmuesit argjentinas.
Kundër Frosinone kuqezinjtë nuk shkojnë më shumë se 0-0 që nuk u ngjit në nivelin e shpresuar. Në “Stirpe” nuk ndodh pothuaj asgjë dhe vetëm Castillejo shkon pranë golit, kur goditi shtyllën në të 18′. Pastaj skuadra e Gattuso shpëton vetëm nga VAR në minutën e 39′, kur u anullua goli i Ciano për një faull në mesfushë nga Maiello ndaj Calhanoglu, ku nisi edhe aksioni i Frosinones.
Edhe Krishtlindja nuk i ktheu ngjyrën një skuadre gri. Në fund numrat, klasifikimi mënjanë, janë të pamëshirshëm: kishte që nga 1984 me Liedholm në pankinë (humbje me Torino e Samp, barazim me Avellino e Verona) që Milan nuk bënte katër ndeshje radhazi pa shënuar, ndërsa Higuain nuk feston një gol prej 8 ndeshjesh, praktikisht dy muaj.