Dy persona kanë humbur jetën sot në Pogradec pasi janë mbytur në rezervuarin e fshatit Bradomirë. Ata kanë gjetur vdekjen teksa ishin duke peshkuar. Burime në vendin e ngjarjes thanë se viktimat janë Arben Pupa, 50-vjeç dhe Ramazan Kojtari 56-vjeçar.
Trupi i pajetë i Pupës nga fshati Bletas është gjetur dhe është nxjerrë nga uji prej banorëve të fshatit dhe shërbimeve të policisë në vendngjarje. Vijojnë kërkimet për 56-vjeçarin Kojtari banues në fshatin Bradomirë. Një grup hetimor po punon për sqarimin e plotë të rrethanave të ngjarjes.