Ndërsa Manchester City e ka rrëzuar Liverpool (2-1) për herë të parë këtë sezon në Premier Ligë, në stadiumin Etihad ndodhi një skenë mjaft komike në fund të ndeshjes. Një burrë me xhup ngjyrë portokalli hyn në fushë për të përqafuar Sergio Aguero, një nga golashënuesit e mbrëmjes.
Bëhet fjalë për Benjamin Mendy, anësori i majtë francez, aktualisht i dëmtuar. Problemi: punonjësit e sigurisë të pranishëm në vijën anësore të fushës nuk e njohën menjëherë lojtarin dhe nxituan pas tij për ta ndalur, të bindur se ishte një tifoz që donte të falënderonte lojtarët e Pep Guardiolës.
Benjamin Mendy was almost tackled to the ground by the stewards last night when they thought he was a pitch invader 😅 pic.twitter.com/4yJjxa1OlP
— Soccer AM (@SoccerAM) January 4, 2019
Sërish i dëmtuar në gju, kampioni i botës 2018 ka luajtur vetëm 11 ndeshje në të gjitha garat këtë sezon me qytetarët. Kthimi i tij në fushë pritet në fillim të shkurtit nga Pep Guardiola dhe stafi i tij teknik.