Ezequiel Lavezzi duket se është dashuria e re e Belen Rodriguez, pas mbylljes së historisë me Iannone. Revista e përjavshme ‘Chi’, ka shpërthyer gossip në lidhje me këtë histori që vjen nga Amerika Jugore. Në fakt, shoëgirl nga Argjentina, është me pushime me disa miq të fëmijërisë në Uruguay. Sipas revistës, pikërisht aty ka takuar sulmuesin, bashkëkombas të saj, që e kishte njohur kur futbollisti luante për Napoli. Atëherë të dy ishin të impenjuar, ndërsa tani jo dhe flitet për një histori dashuries mes tyre dhe nuk ka rëndësi nëse sulmuesi është pak më i shkurtër, apo ajo pak më e bukur.
Dy grupet e argjentinasve, ai i Lavezzi e Belen, janë bërë të pandashëm në këto dy javët e fundit. Edhe mikeshat milaneze të Belen, që e prisnin rikthimin e saj në Itali përpara 6 janarit, kanë humbur kontaktet me bukuroshen, që ndërkohë, shkruan në rrjetet sociale: “Në botën time jam plot energji pozitive”.