Inter e ka të dënuar fushën pa tifozë, për shkak të ngjarjeve në ndeshjen me Napolin, por kundër Sassuolos do të bëhet një lëshim. Në fakt, për ndeshjen e programuar të shtunën në 19 janar e të vlefshme për javën e parë të fazës së dytë, dyert e San Siro nuk do të jenë të mbyllura. Shoqëria zikaltër, ka marrë aprovimin nga Federata italiane e futbollit (Figc) për të mbushur unazën e parë të stadiumit me fëmijë të akademisë së Inter dhe qendrës sportive të Milanos, por jo vetëm.
Pas skualifikimit të vendosur nga Gjykatësi Sportiv për episodet e Inter-Napoli, ka ardhur edhe inkurajimi i presidentit Gravina, për kërkesën e bërë nga klubi zikaltër pak ditë më parë, që në qëllim kishte dhënien e një mesazhi të rëndësishëm kundër dhunës.
Inter ka shtuar kontaktet me shkollat fillore të Milano, në mënyrë që ti vendosë në dispozicion biletat për ndeshjen.