• |
ide | kryesore

Shtohen zërat kundër Ramës, Këshilli i Ambasadorëve: Rivlerëso kandidaturën e Gent Cakajt

Lajme, Të fundit

Ish diplomatët shqiptarë dalin kundër kryeministrit Edi Rama për shkarimin e Ditmir Bushatit dhe emërimin e Gent Cakajt. Këshilli i Ambasadorëve, i cili ka në krye ish ministrin e Jashtëm Besnik Mustafaj, i ka “tërhequr vëmendjen Kryeministrit Rama ta rivlerësojë kandidaturën e ministrit në fjalë”, i cilësuar si “pa cilësitë e nevojshme profesionale për të mbajtur barrën” e sfidave si marrëveshja për kufirin detar me Greqinë, posti si anëtarë i përkohshëm në Këshillin e Sigurimit të OKB-së dhe presidenca e OSBE-së në vitin 2020. Sipas tyre kontestimi i opinionit publik ndaj kandidatit Cakaj kanë qenë “më të mëdhatë në 29 vjet demokraci”. Ndërkohë, Këshilli mendon që “Kryeministri nuk ka kryer detyrimin e tij kushtetues për të bërë transparencën mbi arsyet që e kanë shtyrë atë të shkarkojë posaçërisht ministrin për Europën dhe Punët e Jashtme, Ditmir Bushati”. Më poshtë deklarata e plotë.

Këshilli i Ambasadorëve Shqiptarë

Mbi emërimin e ministrit të ri për Europën dhe Punët e Jashtme.

Kohët e fundit Kryeministri i Shqipërisë ka ndërmarrë disa ndryshime të rëndësishme në qeverinë që ai drejton, përfshirë këtu edhe shkarkimin e Ministrit për Europën dhe Punët e Jashtme, Zotit Ditmir Bushati dhe propozimin për në këtë post të zëvendministrit aktual, Zotit Gent Caka. Këshilli i Ambasadorëve Shqiptarë vlerëson se është krejtësisht në të drejtën politike dhe kushtetuese të Kryeministrit të bëjë ndryshime në qeveri, në përputhje me vlerësimet që ai ka lidhur me arritjet apo dobësitë e njërit apo tjetrit nga ministrat. Por Këshilli i Ambasadorëve Shqiptarë tërheq vëmendjen me shqetësim te fakti se Kryeministri nuk ka kryer detyrimin e tij kushtetues për të bërë transparencën mbi arsyet që e kanë shtyrë atë të shkarkojë posaçërisht ministrin për Europën dhe Punët e Jashtme. Nevoja për një transparencë të tillë buron nga roli specifik që ka institucioni i ministrit të jashtëm në përmbushjen e objektivave strategjike të shtetit shqiptar në këtë periudhë.

Viti 2019 do të jetë veçanërsiht i ngarkuar me sfida për diplomacinë tonë dhe në përgjithësi për politikën e jashtme të Republikës së Shqipërisë. Me kryesoret e këtyre sfidave janë marrja e vendimit për çeljen e negociatave për anëtarësim në Bashkimin Europian nga ana e Këshillit Euopian në fund të pranverës së ardhshme, përfundimi i shtyrë tej çdo parashikimi i marrëveshjes për kufirin detar me Greqinë, përgatitje intensive, nëpërmjet ngritjes së infrastrukturës së përshtatshme për marrjen e presidencës së OKB-së në vitin2020, ndërtimi i një mirëbesimi të gjerë ndërkombëtar për të fituar të drejtën e anëtarit të përkohshëm në Këshillin e Sigurimit të OKB-së për vitin 2022, gjë që kalon përmes një votimi në Asamblenë e Përgjithshme të OKB-së.

Përballimi i këtyre sfidave disa nga të cilat janë thelbësisht të reja për politikën, diplomacinë dhe administratën e shtetit tonë, do të duhet të bëhet krahas kryerjes së detyrave të tjera dinamike që shtron zhvilimi në rritje i bashkëpunimit ndërkombëtar, për ta forcuar rolin e Shqipërisë në mbështetje të paqes e të stabilitetit në rajon e në botë, duke e vënë njëherash politikën e jashtme më mirë në shërbim të një politike të brendshme zhvillimore, në përgjigje të aspiratave të shoqërisë shqiptare për rritje të mirëqënies, thellim të demokracisë dhe konsolidim të shtetit të së drejtës.

Këshilli i Ambasadorëve Shqiptarë vëren se kandidatura e përzgjedhur nga Kryeministri Rama për të emëruar Ministër për Europën dhe Punët e Jashtme. Zoti Gent Cakaj, ka ngjallur një shqetësim të madh në një pjesë të gjerë të opinionit publik, përfshirë edhe shumicën e anëtarëve të këtij Këshilli. Ky lloj kontestimi, i pashembullt për asnjë nga ministrat e jashtëm të Republikës së Shqipërisë gjatë këtyre 29 vjetëve demokraci, mbështetet në perceptimin publik të personalitetit të Zotit Caka si pa cilësitë e nevojshme profesionale për të mbajtur barrën e një detyre të tillë më rëndësi kombëtare. Këshilli i Ambasadorëve Shqiptarë i tërheq vëmendjen Kryeministrit Rama ta rivlerësojë kandidaturën e ministrit në fjalë, duke mbajtur më mirë parasysh interesin publik dhe kombëtar.

2 Comments

  1. Lind pyetja; Kryeminister -psiko-skizofreni-Edvin -Pse e shkarkoi Ditezi Bushatin?Ndonjeri mund te thote se nuk ka punuar mire per te celur negociatat per ne BE-.Mire-Por dikasteri i ministrise te puneve te jashtme ka dhe zvender ministra ,pra nuk ka punuar si ministri .Ate here kete njeriun me kartele ku e con mushka qe propozon zvendesministrin per minister .Ku eshte reformimi ketu .Se na del qe ky punonte por nuk ie lejonte Ditzi BUSHATI.Aq i trashe eshte ky njeri me te meta mendore sa vepron ne kete menyre .

Lini një Përgjigje

Adresa juaj email s’do të bëhet publike.

Kthehu