Dy shqiptarët e arratisur më 1 Janar 2019 nga burgu Koridhalos janë arrestuar sërish prej policisë greke.
Gjatë një aksioni të forcave speciale u arrestuan Elvis dhe Leonardo Pepa. Policia kishte marrë informacion në lidhje me vendndodhjen e tyre.
Dy të rinjtë ishin fshehur në një banesë. Bashkë me ta është arrestuar edhe një shtetas grek, i cili akuzohet për strehimin e tyre.
Elvis dhe Leonardo Pepa kishin prerë hekurat e dritares së qelisë, duke u munduar t’i shmangen gardianëve grekë.
Arratisja e tyre ndodhi në orën 20:30 të 1 Janarit, ndërsa mungesa e tyre në qeli u vu re mëngjesin e nesërm. Autoritetet nisën edhe një hetim të brendshëm për të vërejtur nëse ka patur shkelje nga ana e gardianëve.