Në testamentin e Freddie Mercury në vitin 1991, ish të fejuarës së tij Mary Austin ju la 50% e të gjitha fitimeve që çdo projekt i lidhur me të do të gjeneronte në të ardhmen. Kjo shifër shkoi në 75% pas vdekjes së prindërve të vokalistit të ‘Queen”.
Prandaj tani që “Bohemian Rhapsody”, filmi biografik i grupit të rrokut dhe i vetë Mercury-t, ka fituar më shumë se 580 milionë paund nga shfaqja në kinematë e botës, Austin pritet të marrë rreth 40 milionë paund.
Fitimet e “Queen” janë të ndara mes trashgimtarëve të pasurisë së Mercury-t, dhe anëtarëve të tjerë të grupit, Brian May, Roger Taylor dhe John Deacon. Nga të ardhurat e mbledhura së fundmi, këta të fundit do të marrin 63 milionë paund secili, ndërkohë që sipas llogarive Austin do përfitojë 40 milionë paund.