Pas protestës së dhunshme në sheshin “Sintagma” në Athinë, policia greke ka bërë dhe bilancin e personave të plagosur. Rezulton se nga 44 të plagosur, 25 prej tyre janë policë.
Rreth 60 mijë persona me flamuj kombëtarë kanë vërshuar para parlamentit grek për të kundërshtuar marrëveshjen e Prespës me Maqedoninë në lidhje me çështjen e emrit. Policia ka shoqëruar në komisariat gati 12 persona.
Për të shpërndarë protestuesit është përdorur gaz lotësjellës nga policia.
Tubimi zhvillohet përpara një votimi të parashikuar mbi marrëveshjen e emrit të Prespës në parlament javën e ardhshme, të cilin qeveria pret të sigurojë të paktën 151 vota pro. Grupet e qytetarëve kanë intensifikuar një fushatë në mediat sociale për të tërhequr sa më shumë protestues në sheshin “Sintagma” për një protestë kundër “Marrëveshjes së Prespes” midis Greqisë dhe Maqedonisë.
Me thirrje kryesisht nga “komiteti i luftës për greqizimin e Maqedonisë”, qindra autobusë nga gjithë vendi dhe në veçanti nga veriu i Greqisë, mbërritën sot në Athinë duke transportuar mijëra manifestues, sipas organizatorëve, për të marrë pjesë në këtë protestë.
Marrëveshja mbi emrin e ri të Maqedonisë, e nënshkruar mes Athinës dhe Shkupit qershorin e kaluar, synon t’i japë fund konfliktit gati 30 vjeçar mes dy vendeve fqinje, duke e riemëruar këtë vend të vogël të Ballkanit “Republika e Maqedonisë së Veriut”.
Te ben pershtypje se cfare organizimi perfekt kane per protesta.
Imagjinoni sikur Tsipras te ishte perfshire ne nje skandal tenderi me letra te fallsifikuara. Do shkaterrohej gjysma e athines, kurse ketu ne asgje …
Madje shohim simbolin e hajdutllikut dhe korrupsionit, Moniken qe derdh lot para ne tv dhe vetem per pushtet ajo permend dhe femijet e vet….. si u katandis shqiperia …..
Ku e kanë pa këta grekët që Maqedonasit e lashtë ishin grek ?