Nuk është më mister: Ivan Perisic ka kërkuar shitjen nga Inter, që në këtë sesion të merkatos. Kroati ka dëshirë të luajë në Premier League, saktësisht tek Manchester United që e kërkon prej vitesh, e shoqëria zikaltër po vlerëson situatën. Marotta e Ausilio, ndërkohë, kanë fiksuar cmimin e kartonit të lojtarit: niset nga 40 milionë euro. Problem ka qenë në fakt një nisje e sezonit jo në mënyrën më të mirë, ndoshta për Inter është moment i duhur për ta shitur e për të krijuar një thesar të rëndësishëm financiar për tu përdorur.
Në pritje të një ofertë zyrtare nga Anglia, zikaltrit po mendojnë edhe zëvendësuesin e mundshëm të kroatit dhe emri që po vlerësohet është ai i Ferreira Carrasco, belgut që i pëlqen edhe Milan. Ky në fakt është një operacion i komplikuar sepse për ta marrë nga Dalian Yifang, klubi kinez, duhen shumë para dhe pengesa tjetër është pagesa prej 10 milionë euro.