Granit Xhaka është përfshirë në një konfrontim të shëmtuar me tifozët e Arsenal, në momentin e largimit nga Emirates, pas eleminimit nga FA Cup. Mesfushori natyrisht i dëshpëruar për humbjen 3-1 në shtëpi nga Manchester United në raundin e katërt të kompeticionit, e pa mbrëmjen ti shkonte nga keq në katastrofë, kur u mundua të shkonte në shtëpi.
Një grup tifozësh të Arsenal e kanë kritikuar kosovarin që luan për Zvicrën për performancën e tij, duke i zënë rrugën në dalje – dicka e cuditshme, sipas The Sun, duke qenë se ai ishte larg të qenit lojtari më i keq në mbrëmjen e mjerueshme të Topcinjve. Ndërsa tifozët kanë vazhduar të nxjerrin inatin e tyre, Xhaka i ka thënë prerë: “mbylleni gojën” përpara se të ngrinte xhamin e makinës.
Nuk është se të gjithë ishin polemizues me Xhakën, sepse një prej tyre i është drejtuar “ne të duam shumë”. Vetëm se kjo përplasje verbale e shqiptarit erdhi pas asaj në fushë. Xhaka gati kaloi në kontakt fizik pas një konfrontimi të ndezur me Jesse Lingard.