Lajme të këqija në shtëpinë Juventus. Ajo që shetëson klubin bardhezi është gjendja e Leonardo Bonucci, i detyruar të linte fushën e lojës në minutën e 41′ të pjesës së parë ndaj Lazios.
Përmes një deklarate zyrtare, Juventus njoftoi sot se mbrojtësi ka një traumë të kaviljes së djathtë. Juventus njoftoi gjithashtu se Bonucci tashmë është duke u trajtuar për t’u riaftësuar sa më shpejt që të jetë e mundur.
Ndalesa mendohet të zgjasë rreth një muaj, me numrin 19 bardhezi që mund të humbasë kështu edhe ndeshjen e vajtjes së 1/8 të Champions League kundër Atletico Madrid e programuar në 20 shkurt.
Obiettivo già individuato, terapie e palestra per tornare il prima possibile a godermi sul campo vittorie come quelle di ieri insieme a questa IMMENSA squadra 💪🏻💪🏻💪🏻 #LB19 #FinoAllaFine pic.twitter.com/3YUh7i3NIA
— Leonardo Bonucci (@bonucci_leo19) January 28, 2019
Vetë lojtari ka siguruar tifozët në twitter, por pa u shprehur për kohën e rikthimit: “Objektivi është i qartë, terapi dhe palestër për t’u kthyer sa më shpejt të jetë e mundur dhe për të shijuar fitoret në fushë ashtu si dje me këtë skuadër të jashtëzakonshme”