I shpallur në kërkim pas dënimit me 2 vite burg për dhunën e ushtruar në familje, arrestohet Agim Doçi.
Gjykata e Rrethit Gjyqësor Krujë e ka dënuar Doçin me 2 vite burg për veprën penale: “Veprime në kundërshtim me vendimin e gjykatës”, pasi ka thyer urdhrin e mbrojtjes dhënë për ish-bashkëshorten.
“Në ngarkim të tij Gjykata e Rrethit Gjyqësor Krujë kishte vendosur më herët, në mungesë masën e sigurisë “Arrest me burg” për veprën penale “Dhunë në familje”.
Ndërkohë po gjatë kohës që ka qenë nën masën e sigurisë dhe i shpallur në kërkim shtetasi i mësipërm ka thyer urdhrin e mbrojtjes dhënë nga gjykata ish-bashkëshortes së tij”, sqaron policia.
Materialet i kaluan Prokurorisë së Rrethit Gjyqësor Krujë për veprime të mëtejshme.