Historia e trishtë e Emiliano Sala ka një tjetër kapitull, edhe më prekës. Futbollisti argjentinas, i zhdukur në 22 janarin e kaluar gjatë një fluturimi për tu transferuar nga Nantes tek Cardiff, në Premier League, nuk ndahej kurrë nga qenushja e tij, e adoptuar në një qendër kafshësh në Francë në 2015. Përkundrazi Nala, si e ka emrin qenushja, duhet të shkonte me sulmuesin edhe në Cardiff.
Për fat të keq nuk ka më shpresa, sidomos pasi janë gjetur mbetjet e avionit me të cilin udhëtonte futbollisti argjentinas. Ndërsa vazhdojnë operacionet e rikuperimit e të identifikimit të trupit që ndodhet në bord, e motra e Emilianos ka postuar një foto prekëse në Facebook, në të cilën shihet Nala që pret në portën e shtëpisë. “Edhe Nala të pret” shkruan motra e sulmuesit argjentinas, Romina.