Një xhami në qytetin juglindor të Francës, atë të Grenobles, është mbyllur përkohësisht. Imamët e kësaj xhamie dyshohen si “xhihadistë të armatosur”. Mbi 400 besimtarë faleshin në atë xhami çdo ditë.
Xhamia Al-Kawthar, e vendosur në një lagje të populluar të Rue des Trembles të Grenoble, është bërë tokë pjellore për shpërndarjen e “ideve dhe teorive që provokojnë dhunë, urrejtje dhe diskriminim”, tha prefektura lokale. Prefektura pretendonte se Imami legjitimonte “xhihadistët e armatosur … Sheriatin dhe diskriminimin ndaj grave”.
Predikimet e imamit dyshohet se nxitnin urrejtje ndaj atyre që praktikonin fetë e tjera. Xhamia tashmë do të mbyllet për gjashtë javë. Për ta bërë këtë, autoritetet e Grenoble përdorën një ligj të veçantë francez që merret me parandalimin e sulmeve terroriste dhe kërcënimeve ndaj sigurisë kombëtare.
Qyteti, i cili strehon mbi 162,000 banorë, ka të paktën 20 xhami, duke përfshirë Al-Kawthar, sipas një faqe interneti lokale të orientuar nga myslimanët.