• |
ide | kryesore

Policia shkel në FHF, Mark Marku: I kemi filmuar të gjitha, do ta çojmë rastin në gjykatë

Lajme, Të fundit



Efektivë të forcave të policisë janë parë këtë të enjte në ambientet e fakultetit të Historisë e Filologjisë. Ata janë munduar të fshehin fytyrën kur janë përballur me kamerat e të rinjve që po i filmonin.

Nuk dihet pse policia ka shkelur në fakultet, pasi sipas ligjit diçka e tillë është rreptësisht e ndaluar. Pedagogu i Departamentit të Gazetarisë dhe Komunikimit,  Mark Marku është shprehur se pedagogët që i janë bashkuar protestës së studentëve nuk frikësohen nga sjelljet anti-ligjore të qeverisë, përkundrazi, kanë ndërmend që të çojnë përpara drejtësisë shkelësit.

Marku: Sjell policë për të kërcënuar studentë dhe pedagogë. Bashkë me imazhin e qeverisë këta po shkatërrojnë çdo strukturë shtetërore. I kemi filmuar të gjitha. Do ta çojmë rastin në gjykatë dhe te Avokati i Popullit. Fshiheshin pas mureve që mos t’u dilnin fytyrat, ky është imazhi i policisë së Sandër Lleshajt?

Keni ndonjë thirrje?

Marku: Nuk kam asnjë thirrje për askënd se nuk dëgjojnë fare. Kryeministri është në Arabinë Saudite dhe po nxehet në diell. Ministri Lleshaj ka bërë një deklaratë dje që iu përgenjështrua sot. Ata janë komplet pa moral, nuk e di ku ka ikur morali i tyre. Asnjë thirrje. E vetmja thirrje ndaj tyre është të mos bëjnë budalliqe se nuk frikësohemi.

 



3 Comments

  1. Mark Marku një intelektual atdhetar që nuk merret peng nga askush që nuk bën kompromis me mashtruesit që lufton kundër arrogancës së pushtetit një mirditor patriot që e nderon Mirditën dhe Shqipërinë!!!

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *