Nuk është vetëm rregulli i golit në transfertë. Kongresi i Uefa që po zhvillohet në Romë, ka në rend të ditës shumë tema që premtojnë të revolucionarizohet futbolli europian. Shtrirja e VAR në Champions League nuk do të ndalet me aq: që nga sezoni i ardhshëm, ekranet gjigandë të stadiumeve do të shënojnë në fakt me një info grafikë aktivizimin e teknologjisë në mbështetje të arbitrave të ndeshjes e do ta shfaqin episodin për të cilin do të vendoset. Në 2024, më pas, do të nisë formati i ri i Champions League.
VAR NË CHAMPIONS LEAGUE
Sigurisht është dhënë konfirmimi për përfshirjen e VAR në Champions League, duke nisur nga 1/8 e finaleve, javën e ardhshme. Rosetti, shefi i arbitrave të Uefa-s, ka shpjeguar se “objektivi është të eleminojë gabimet e dukshme e po punojmë për të pasur uniformitet mes arbitrave të vendeve të ndryshme “. Duhet të jenë të kujdesshëm edhe lojtarët: kushdo që kërkon ndërhyrjen e VAR, duke bërë gjestin e videos do të marrë karton të verdhë.
VAR NË TABELAT E STADIUMEVE
Një inovacion në dy hapa. I pari që nga sezoni i ardhshëm: edhe në Serie A, tabelat e stadiumeve do të sinjalizojnë tifozët për përdorimin e VAR e për cilin episod me një infografikë. Në harkun e dy viteve, mund të shkohet edhe përtej. Ashtu si shpjegon Corriere della Sera, objektivi është të merret modeli i Super Boël: arbitri me vivavoce do ti shpjegojë spektatorëve (e telespektatorëve) motivin e vendimit të tij, nëse është për tu vlerësuar apo anulluar një gol, ose të fërshëllehet një penallti.
CHAMPIONS LEAGUE E RE
Në fund, Champions League e re. Nuk do të jetë një Superliga, ashtu si kishte lajmëruar Ceferin, i mbështetur nga Agnelli e Eca, por do ti afrohet shumë. Nga 2024 do të kalohet nga tetë grupet aktuale, me katër skuadra, në katër grupe me nga tetë skuadra, gati si një Euroliga e basketbollit në version futbollistik. Kjo për të mos e lënë të pakënaqur fare Fifa-n, që duhet të mbrojë interesat e vendeve më të vogla.