Një çift shqiptarësh, të cilët kishin kthyer bodrumin e shtëpisë në një laborator të përpunimit të drogës, janë arrestuar prej policisë italiane.
Mediat italiane raportojnë se burri dhe gruaja nga Shqipëria u arrestuan në zonën e Padernos.
Prej kontrolleve të ushtruara nga policia në bodrum u gjetën dhe u sekuestruan në cilësinë e provës materiale 40 gram kokainë, e cila dyshohet se do të ndahej në doza të vogla dhe më pas do të dilte në treg.
Në bodrum u gjetën gjithashtu një shumë prej 4.900 eurosh.
Ky fakt ka shtuar edhe më shumë dyshimet tek autoritetet pasi çifti shqiptar rezultonte i papunë.