Në qytetin e Lezhës, pranë kangjellave të disa shkollave ndodhen disa kabina elektrike, të cilat duket se rrezikojnë nxënësit.
Ato janë të amortizuara dhe pa asnjë element sigurie. Bëhët fjalë për shkollat “Beselidhja”, “Gjergj Kastrioti”, “Kosova” e “Gjergj Fishta” në qytetin e Lezhës me rreth 2 000 nxënës. E ngjashme është situata edhe në shkollat e njësive administrative.
Drejtori i arsimit në bashkinë e Lezhës, Ardian Laçi thotë se kanë kërkuar largimin e kabinave. Ky është një rrezik i jashtëzakonshëm që duhet shmangur sa më shpejt. Ky shqetësim nuk është i panjohur edhe për OSHEE-në Lezhë. Po nuk është bërë zgjidhje. Nxënësit çdo ditë shkojnë në mësim bashkë me rrezikun.