• |
ide | kryesore

Kërkohej në të gjithë Europën, arrestohet në Itali narkotrafikanti shqiptar

Lajme, Të fundit



Një 21 vjeçar shqiptar u arrestua nga policia italiane në Siena, pasi rezulton i shpallur në kërkim nga policia gjermane. I riu me iniciale K.T, konsiderohet si trafikant droge.

Pak ditë më parë, autoritetet gjermane lëshuan një urdhër-arrest evropian kundër tij, sepse konsiderohet përgjegjës për trafikimin e më shumë se 200 kg marihuanë në qytetin e Shtutgardit, në tre episode të ndryshme. Trafikun, i riu shqiptar e ka kryer me bashkatdhetarë të tjerë.

Nga hetimet e kryera, rezulton se i riu K.T, ishte pjesë e një organizate me shqiptarë, të përkushtuar për trafikun e drogës në drejtim të Gjermanisë me anë të makinave të modifikuara.

Pas arrestimit të tij ai u transferua në burg në Firence, në dispozicion të Gjykatës së Apelit për të kryer procedurat përkatëse të ekstradimit në drejtim të Gjermaninë. Ai rrezikon dënim deri në 15 vite burg.



Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *