“MTV Italia” organizoi një sondazh në “Instagram Stories” për këngën më të bukur të dashurisë, pikërisht në ditën e Shën Valentinit. Pas mbledhjes së preferencave, fituesja doli “Perfect” e Ed Sheeran.
Në listë ishin edhe “Guerriero” e Marco Mengoni, “All Of Me” e John Legend, “Save Me” e “Queen”, “Wonderwall” e “Oasis”, si dhe “One Last Time” e Ariana Grande. “Perfect” është pjesë e albumit “÷” të Ed Sheeran dhe kënga u bë shumë shpejt një ndër më simboliket e shumë historive dashurie. Nuk mbeten pas as versionet me Beyonce dhe Andrea Bocelli.