Gjatë një sërë postimesh në “Instagram”, ylli i “DC Extended Universe”, Jason Momoa tregoi entuziazmin e papërmbajtur brenda zyrave të “Warner Bros”.
Gjatë xhiros nëpër zyrat e “Warner” dhe “DC Films” aktori tregoi entuziazmin e tij dhe përmes një video të xhiruar me telefonin e tij deklaroi: “Nuk e keni idenë e asaj që ka për mbërritur”. Nuk është e qartë se për çfarë e ka ekzaktësisht fjalën Momoa dhe për çfarë ka diskutuar me drejtuesit e kompanisë, por sipas medies, bëhet fjalë padyshim për “Aquaman 2”. Duke parë suksesin e filmit, “Warner” e “DC” mendohet se janë dakord për një vazhdim, sa më shpejt të jetë e mundur.