Pas përdhosjes së njëqind varreve në një varrezë hebraike, mijëra njerëz kanë dalë të protestojnë në rrugët e Parisit dhe në disa qytete franceze kundër antisemitizmit.
Demonstrata në “Place de la Republique” ishte një nga të shumtat e organizuara në të gjithë vendin, si përgjigje ndaj rritjes së akteve antisemite dhe krimeve të urrejtjes që shkaktuan një lumë indinjimi në Francë dhe Izrael.
Ngjarja u organizua nga 18 parti politike, ndërsa kryeministri Edouard Philippe dhe ministra të tjerë dolën në rrugë.