• |
ide | kryesore

Video/ Arsenal nuk lejon surpriza: tetë skuadra i bashkohen Sevilla në 1/8 e Europa League

F1, Sport, Video



Tetë skuadra i bashkohen Sevilla në 16 më të mirat e Europa League, në pritje edhe të ndeshjeve të mbrëmjes. Arsenal nuk lejon surpriza, Villareal vuan, por kualifikohet në fund, ndërsa konfirmohet dominimi spanjoll në Europë.

Bate Borisov ëndërronte arritjen e madhe, por në Londër gjërat u komplikuan për bjellorusët pas vetëm katër minutash. Avantazhi i fitores në ndeshjen e vajtjes u fshi nga autogoli i Zakhar Volkov, që nuk gjeti mënyrë tjetër për të larguar presionin e Topcinjve, në ndeshjen e kthimit për 1/16 e Europa League.

Skuadra e Unai Emery nuk i la asgjë në dorë rastësisë dhe në Emirates Stadium nuk pati histori, me Arsenal që përmbysi rezultatin në minutën e 39 të pjesës së parë. Shkodran Mustafi shënoi edhe golin e dytë, kundër Bate Borisov, duke e kthyer kualifikimin në anën e Topcinjve.

Londinezët vendosën përfundimisht diktatin në ndeshjen e kthimit të Europa League kundër Bate, duke siguruar rezultatin. Sokratis Papastathopoulos realizoi edhe golin e tretë në minutën e 60, duke e bërë të pashpresë situatën për bjellorusët, që të paktën jetuan 90 minuta si triumfues dhe në ndeshjen e kthimit u munduan të ishin dinjitozë.

Pa problem avancon më tej Napoli, Dinamo Zagreb, Eintracht Frankfurt, Salzburg, Valencia, Zenit dhe Villareal, që i hoqi shpresat Sportingut me golin e barazimit të shënuar nga Fornals 10 minuta nga fundi.

Europa League – Round of 32

Arsenal 3 – 0 BATE Borisov
Dinamo Zagreb 3 – 0 Viktoria Plzen
Eintracht Frankfurt 4 – 1 Shakhtar Donetsk
Napoli 2 – 0 FC Zuerich
Salzburg 4 – 0 Club Brugge
Valencia 1 – 0 Celtic
Villarreal 1 – 1 Sporting CP
Zenit St. Petersburg 3 – 1 Fenerbahce



Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *