Një 26-vjeçare britanike nga Cambridgeshire kishte probleme me mënyrën sesi dukej. Për këtë vendosi të investonte në operacione plastike dhe të ndryshonte çdo gjë në paraqitjen e saj.
Charlie Phillips ndihej e pasigurt për paraqitjen e saj të jashtme pas një operacioni për rregullimin e shtyllës kurrizore e bëri që të humbiste peshë në mënyrë drastike. Pas një sërë ndërhyrjesh që i kushtuan rreth 10 mijë £ (11 mijë euro), Charlie është shndërruar në një njeri tjetër.
E etur për të ndryshuar pamjen, 26-vjeçarja ka injektuar mbushës në buzë, faqe dhe në nofull, ka kryer operacion plastik për të rritur madhësinë e gjoksit ndërsa vetullat dhe buzët i ka bërë tatuazh të përhershëm. Të gjitha këto së bashku, sipas saj e kanë ndihmuar për të “peshkuar” të fejuarin e saj aktual.
“Kur filluam të dilnim bashkë, i fejuari im më tha se ai po kërkonte për një vajzë që shkon në palestër dhe kujdeset për veten. Ai tha se unë isha 1% ajo që ai po kërkonte.” – tha ajo në një rrëfim për “The Sun”.
