Zëdhënësja e BE për situatën politike në Shqipëri: Qeveria dhe opozita duhet të angazhohen në negociata

Zëdhënësja e Komisionit Europian, Maja Kocijancic, e pyetur për krizën politike në Shqipëri është shprehur se qëndrimi i Brukselit është i njëjtë me atë të deklaruar një javë më parë. Sipas saj opozita dhe qeveria duhet të angazhohen në negociata për të mirën e vendit.

E pyetur për reformën në Drejtësi, Kocijancic u shpreh se procesi po shkon në drejtimin e duhur.

Erisa: A mund të nisim me zgjerimin. Shumë po e quajnë pranvera ballkanike serinë e protestave që po regjistrohen në Bosnje, Malin e Zi, në Serbi dhe në Shqipëri. Në Shqipëri ka dy protesta antiqeveritare që kanë përfunduar me dorëheqjen e mandateve nga ana e opozitës. Këto vendime sipas opozitës janë përgjigje për situatën e jashtëzakonshme që është në Shqipëri për shkak të shkeljes së ligjit dhe provat e publikuara për blerjen e votës në zgjedhjet e 2017-ës. A do të angazhohet komisioneri Hahn të negociojë mes qeverisë dhe opozitës ashtu siç bëri edhe në rastin e Maqedonisë së Veriut?

Maja: Ajo që mund të them është se të nënvizoj atë që eurokomisioneri Hahn dhe zonja Mogherini kanë thënë tashmë. Kur bëhet fjalë tek protestat ata kanë riafirmuar edhe njëherë të drejtën e qytetarëve për të protestuar të lirë, por kanë denoncuar çdo retorikë politike per dhune. Kur bëhet fjalë për dorëzimin e mandatave vendimi i opozitës dëmton funksionimin e demokracisë parlamentare, pasi parlamenti është vendi ku diskutoht dhe jo bojkotohet. Këto vendime janë jo produktive dhe shkojnë në kundër aspiratës për anëtarësimin në BE të Shqipërisë. Të gjithë anëtarët e parlamentit duhet të vijojnë të shërbejnë në parlament dhe të evitojnë aktet e dhunës. Në këtë drejtim qëndrimi i Brukselit është ai i deklaruar edhe më herët. Opozita dhe qeveria duhet të angazhohen në negociata për të mirën e vendit, kjo është një deklarata që është bërë një javë më parë dhe që vazhdon të mbetet në fuqi.

Erisa: Le të flasim pak për reformën në drejtësi, kemi parë që disa gjyqtarë e prokurorë të cilët e kanë kaluar vettingun, por nuk e kanë justifikuar pasurinë e tyre dhe nuk kanë bërë asgjë për të hetuar korrupsionin. Pyetja ime është se a po sakrifikohet reforma në drejtësi dhe shpejtësia me të cilën ajo po kryhet në dëm të vetë qëllimit dhe vetëm për të përmbushur kushtet për çeljen e negociatave?

Maja: Është e rëndësishme që ka vëzhgues që po ndjekin reformën në drejtësi dhe ata po shohin çdo hap të vettingut për të garantuar proçesin. Nuk ka asnjë të dhënë që shpejtësia e vettingut po dëmton cilësinë e reformës në Drejtësi. Qëllimi është rikthimi i besimit të publikut tek drejtësia. Që prej nisjes së procesit, vettingu ka sjellë fakte konkrete në kuadër të procesit kontrollo dhe balanco dhe besoj që kjo tregon se procesi po shkon në drejtimin e duhur.

2 Comments

ari thotë:

25/02/2019 te 14:43

spiropali numer dy.ju jeni si rama ,erionka velija,kukan,boschard,frankenshtajn ,donald lu qe u thithni ne pall kokainen,kanabisin e heroinen monstrave frrok,ndok,balil,habil,tahir,geron e fatmir xhaf,dosh e rosh.

Përgjigjiuni
I paemër thotë:

25/02/2019 te 16:58

Mjaft me keshilla standarte, e te qellimeshme politike per statukuote e interesave te grupeve qe nuk kane politika kushtetuese te caktuara per vete popujt e tyre qe bejne pjese ne bashkimin europian. Rasti i sotem i deklarimit te opozites bullgare per dalje nga parlamenti, si do i pergjigjesh kjo, e aleatet e kesaj zedhenese? Te shohim, a kane nje reagim te njejte, apo te seleksionuar, ashtu sic na quajne.

Përgjigjiuni