Mauro Icardi vazhdon të jetë cështja më e nxehtë e Inter. Në kohën kur bashkëshortja e agjentja e sulmuesit, Wanda Nara, fluturoi në Dubai për pak relaks, Mauro Icardi vazhdon të merret me problemet në gju dhe situatën e ndërlikuar me Inter e dhomat e zhveshjes. Ish-kapiteni në fakt, nuk po bën asgjë për të qetësuar ujërat, përkundrazi, postimi i fundit në Instagram është gati gati një thirrje për ta lënë të lirë. Argjentinasi ka publikuar një foto në tribunën e San Siro gjatë Inter-Sampdoria, ku vëmendjen e merr e shkruara e pagabueshme dhe simboli: “Freedom”, liri, e një fajkua.
Thjesht ndjesi apo një e dhënë e të ardhmes, mbetet për tu parë. Por ndërkohë në dyshim e sipër, Joao Cancelo (ish-shoku i skuadrës por edhe futbollist i Juventus që mund të jetë një nga destinacionet e ardhshme të Icardi në rast lamtumire nga Inter në fund të sezonit) vendosi një pëlqim, që i ngatërroi gjërat edhe më keq…