Cristiano Ronaldo është shqetësimi i madh i Juventus: goditja e marrë në kaviljen e majtë në kampionat kundër Bolonjës për fatin e bardhezinjve nuk duket aq e rëndë. Nuk bëhet fjalë për sfidën kundër Napoli, sa për atë të shumëpritur, për kthimin e 1.8 të finaleve të Champions League në 12 mars. Kontrollet mjekësore, që do të vazhdojnë akoma, kanë treguar se nuk është asnjë vecanërisht e rëndë, për të rrezikuar prezencën e portugezit kundër Atletico Madrid.
Konfirmimi zyrtar duhet të dalë së shpejti, por ndërkohë në testet e zhvilluara vijnë të dhëna inkurajuese. Sidoqoftë, vështirë se San Paolo mund ta shohë nga afër CR7. E kotë të rrezikosh një dëmtim të ri, pak ditë nga ajo që është kthyer takimi vendimtar I sezonit bardhezi. Allegri mund ta mbajë vetëm në pankinë, në rastin më të mirë. Por duke parë +13 të Juventus ndaj Napoli, është e qartë se prioriteti do të jetë të kthehet në Torino pa problem të mëtejshme fizike, objektiv shumë më i rëndësishëm se sat ë evitojë një humbje jo influente në kampionat.
Ndoshta nuk është ajo që mendon Ronaldo, gjithnjë i dëshiruar të jetë në fushë, sidomos kur luhen supersfida si ajo e të dielës në mbrëmje. Me shumë mundësi, Allegri do ta ketë më të vështirë ta mbajë në pankinë, se ti kërkojë ta sakrifikojë në fushë….kështu më mirë ta lërë në shtëpi.