• |
ide | kryesore

VIDEO/ Edhe analistët italianë “kazan” përballë Ramës: Ku e ke Tahirin? Të kanë ikur 500 mijë shqiptarë

Lajme, Të fundit



Kryeministri Edi Rama ishte i ftuar në programin televiziv “TG2 Post” të RAI 2 në Itali. Në një lidhje direkte nga Tirana ai këmbënguli se vendi nuk do shkojë në zgjedhje të parakohshme pasi kriza është e krijuar artificialisht nga opozita.

“Kjo është një situatë mjaft e panjohur, nga ajo që çfarë kam shfletuar në librat e historisë, ka ndodhur në Italinë e viteve ‘20. Sikur opozita në Itali, opozita të thoshte duam një qeveri ndryshe se nuk mund të fitojmë me këta, por kjo është një gjë që nuk funksionon,” – tha Rama.

Por deklaratat e Ramës nuk janë pritur mirë nga analistët italianë në studio. Njëri prej tyre ishte Alberto Negri. Ai foli për një turmë të madhe njerëzish që kanë dalë në sheshet e Shqipërisë.

Kur Rama tha se “ky nuk është një revolucion popullor, por revoltë e pallatit të vjetër që po reagon për shkak se qeveria e tij po lufton drogën dhe lojërat e fatit”, Negri iu kundërvu: “Pjesë e establishmentit jeni edhe ju. Është koha të merrni përgjegjësi”.

Negri i përmendi Ramës edhe marrjen si të pandehur të ish-ministrit të tij të brendshëm, Saimir Tahiri. Ai tha se në vend qarkullojnë 2 miliardë euro para të krimit, që përbëjnë një rrezik. Gazetari i tha Ramës se nga vendi janë larguar 500 mijë njerëz. “Nëse njerëzit emigrojnë, do të thotë se aty gjërat nuk janë mirë,” – tha analisti.

Një tjetër i ftuar në studio ishte edhe ish-kryeministri Masimo D’Alema. Ai i bëri thirrje presidentit Ilir Meta, për të cilin tha se kanë punuar bashkë dikur, që të reagojë për situatën.

Ndërkohë, në editorialin e ditës nga TG2 u tha se Shqipëria është përballë një situate të vështirë, por BE dhe NATO nuk po reagojnë. Sipas tyre, ky është momenti që Italia të tregojë interes për atë që po ndodh në vendin fqinj.



5 Comments

  1. Shoh Spiropalen tek Opinioni dhe bindem se kjo qeveri i ka ditet e shkurtra.. ..
    Shkullaku e beri lecke dhe ajo qesh me megallomanine e Skenderbeut personal!

  2. Spiropali eshte shembulli tipik i degradimit te qeverisjes. Ne Opinion duke u munduar t’i veje vetullat Rilindjes, i nxori edhe syte. Nuk e di, por me talljen qe i eshte bere nga Bejtja e te tjeret, perfshi edhe Vangjelin qe mumdohej t’i mbamte anen, po te kishte pak nga ajo gjeja “e parendesishme” qe quhet dinjitet njerezor, do duhej te dilte nga studio dhe te reflektonte. Por ky eshte niveli i qeveritareve shqiptare e s’ke cfare thua me teper.

  3. Eshte emergjence kombetare largimi i ketij kryeministri. Eshte simboli i te keqes dhe korrupsionit. Por kjo nuk arrihet lehtesisht. Rama si kryeminister perfaqeson interesa shume te forta qe kane te bejne me krimin dhe korrupsionin. Ndaj duhet sa me shume qendrese dhe masivitet ne protesta. Vetem atehere do keputet si ai prasi. Rilindja meriton vetem percmim dhe shporrje.
    Nje njeri kaq fodull e i paafte, i papergjegjshem dhe hajdut, nuk mund te jete kryeminister i shqiptareve.

  4. Kaq ish dhe –Shkelqimi dhe renja e shokut Edvin-mbaroi koha e ketyre lloj njerzish te tipit perca dhe sundo.

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *