Thyerja e marrëdhënieve mes Inter e Icardi është e parregullueshme dhe letra e hapur e sulmuesit argjentinas ku akuzohen drejtuesit e klubit i ka acaruar edhe më tej raportet. Në këto kushte, Marotta e Ausilio kanë filluar të mendojnë për zëvendësuesin e numrit 9. Zikaltrit kanë arritur një akord me Duvan Zapata e Atalanta, por emri i kolumbianit nuk është i vetmi në listën e Inter. Është Edin Dzeko një lojtar që i pëlqen shumë zikaltërve prej kohësh dhe që do të përfaqësonte një operacion loë cost, duke qenë se boshnjaku është në skadencë kontrate me Roma në 2020.
Surpriza në fakt është Romelu Lukaku, që është në thyerje të marrëdhënieve me Machester United. Sulmuesi belg ka përfunduar në pankinë me ardhjen e Ole Gunnar Solskjaer e dëshiron të ndryshojë ambjent në verë. Në ditët e kaluara sulmuesi i është ofruar Juventus kështu që interesimi i Inter, që mund të investojë tek ai paratë nga shitja e Icardi, ka hapur një skenar të ri. Belgu është blerë 80 milionë euro në verën e 2017, kështu që Red Devils duhet të vendosin nëse do ta lënë të largohet.