Partia Demokratike ka dorëzuar 37 dorëheqjet e kandidatëve të cilëve u ka shkuar njoftimi për të marrë mandatin, gjatë ditës së sotme në Komisionin Qendror të Zgjedhjeve.
Ivi Kaso, përfaqësues ligjor i PD-së në KQZ, ka paraqitur sot në Institucionin Zgjedhor dorëheqjen e kandidatëve që janë në listat e saj zgjedhore.
Disa burime bëjnë të ditur se PD do të dorëzojë në KQZ dorëheqjet vullnetare të kandidatëve të saj, sa herë që atyre do i dërgohet nga KQZ kërkesa për të dorëzuar formularin e dekriminalizimit, që rrjedhimisht i hap rrugën marrjes së mandatit.
Një ditë më parë, kandidatja Ina Haxhia nuk e pranoi mandatin e Sali Berishës, duke thënë se ajo nuk e zëvendësonte dot ish-liderin historik të Partisë Demokratike.