Mediat italiane nuk i ndahen “Shqipërisë së hashashit”. Pas investigimit të Rai2 në Kavajë, është gazetarja e RaiNews që tregon me fakte se si gjendet hashashi në jug të vendit, dhe konkretisht në Tepelenë.
“Opozita vazhdon të zbresë në rrugë në Shqipëri. Ndër akuzat ndaj qeverisë së Edi Ramës është dhe ajo për marrëveshje me trafikantët e drogës. Kryeministri në vend pretendon se ka luftuar drogën. Një simbol i prodhimit të hashashit në Shqipëri, deri para pak vitesh, ishte Lazarati. Nga atje, gazetarja Laura Tangherlini u nis udhëtimin në kërkim të drogës shqiptare”, – kështu nis reportazhi i RaiNews.
Laura Tangherlini e përshkruan kështu: “Lazarati është bastion i së djathtës. Deri pak vite më parë ishte baza e kultivimit dhe trafikimit të hashashit. Në 2014 policia ndërmori një aksion të madh për të zhdukur këtë bimë dhe gjërat ndryshuan. Nga e kaluara kanë mbetur muret e larta pas të cilave mbretëronin gjethet e hashashit. Ky është Lazarati dikur mbret i drogës sot është gati-gati një vend fantazmë”.
Nuk mungojnë as dëshmitë e banorëve, disa prej të cilëve pranojnë se e kanë kultivuar hashashin, por pa marrë ndonjë fitim të madh.
“Jeta këtu është përkeqësuar shumë. Më parë ishte e zhvilluar bujqësia, tani tokat kanë mbetur djerrë. Tani s’ka punë për asnjë. Fajin e kanë politikanët që thonë mos bëni atë që bëjmë ne. Ata thonë bëni çfarë ju themi ne”,– thotë njëri nga banorët.
“Unë kam tre fëmijë dhe nipër kemi vetëm pensionin tim për të jetuar. Më përpara punoja në fusha me bime medicianale”. E pyetur nëse këtu mbillej hashash ajo thotë: “Nuk është e vërtetë, ka ardhur policia dhe nuk ka gjetur gjë. Arrestimet ishin të padrejta”.
“Ne vërtetë jetonim më mirë, por bënë mirë që e hoqën hashashin. Megjithatë mënyra se si policia ndërhyri ishte shumë brutale. Ishte e vërtetë që kishte fitim por shkonte tek politikanët dhe tek të tjerët. Ne na mbeteshin vetëm thërrime”,– thotë një tjetër banor.
I pyetur nëse ka kultivuar edhe ai, qytetari e pranon por shton se: “Po të kisha kultivuar shumë tani do isha e pasur. Shihni gjë ju këtu? Ku i kam?”
Gazetarja e Rai-t Laura Tangherlini vazhdon xhiron e saj nëpër fshat edhe gjen disa tunele që përdoreshin si magazina për drogën, të cilat tani kanë mbetur bosh.
“Aty shohim vetëm pula”,– thotë ajo.
Tangherlini vijon: “E ndërsa shohim me vëmendje magazinat e braktisura takojmë pronarin e tyre. Ai na thotë se ky biznes vazhdon, mund t’i gjejmë shenjat diku në Tepelenë”.
Gazetarja merr rrugën drejt fshatrave të Tepelenës. “Shkojmë në Tepelenë, ka burra që na presin, na ftojnë për kafe. Ata thonë që aty nuk kultivohet drogë por nga ana tjetër shtojnë se nuk janë spiunë”
“Ka mbaruar droga këtu, kishte para dy vitesh”,- i thotë një banor i zonës.
“Ku ta gjej tani?”
“Nuk e di” – , përgjigjet ai.
“Ai na jep fjalën që ka ende magazina droge, shkon të flasë me një mikun e tij që të na e tregojë, por kthehet duarbosh. Ka ndryshuar mendje. Miku i tij nuk do të flasë, madje e ka kërcënuar të mbyllë gojën”.
Rrugëtimi i gazetares vazhdon në 3 fshatra të tjera të Tepelenës, përgjigjet janë pothuajse të njëjta.
“Iku droga, deri në 2016 kishte. Ndërhyri shteti”, – i thotë një tjetër banor. Kurse një tjetër tregon me gisht malin për të na thënë se pikërisht atje ishin plantacionet e drogës.
“Ndërsa një tjetër na thotë se droga nuk është më këtu. Ka përfunduar në Bruksel”.
E pavarësisht këtyre dëshmive, gazetarja italiane arrin të gjejë një furnitor që i sjell një qese me hashash. Ai tregon se droga ka qëndruar rreth një vit në shtëpinë e tij, pasi nuk ka pasur treg shitjeje.
Hani nje Knut tani!
Fake news. Ku jeni u shamikuqet kurva te rilindjes, spaskeni dale ne pune sot
Sa e mir kjo Italionia
Kazani qe po zjen po afron dita dhe do derdhet o te mjere.
Kjo gazetarja mund të bëjë një xhiro në mes të Romës dhe do të gjejë të gjitha llojet e drograve. Po nuk u ndëshkuan përdoruesit financiarisht, trafiku i drogës nuk zhduket kurrë.
Nga kembengulja per te gjetur Kanabis dhe menyra si i mere ere dhe se si i ngazellehet surrati, te jep pershtypjen se kjo gazetare ka ardhur me shume per te bere pazar sesa per intervista.
Ose me mire te themi me nje gur te vrasi dy zogj.
Disa nga komentet qe po lexoj me kujton vitet para 1990 kur ne nuk kishim qa hashim dhe Papa iberi thirje kumunitetit nderkumtar te mos blenin shqipris produket ushqimor se populli shqiptar ska qfar te haj.Te gjith propoganta kumuniste u tur si perbinsh kundur vatikanit dhe papa Gjon Pali
Lajmi na thote se dikush nga policia, apo shteti genjen. Keshtu qe ne daljet e drejtorit te pergjitheshem te policise u tha se kanabisi eshte zhdukur 99 perqind, e po te njejtin koment perseriti edhe KM, . Por sqepari e ka bishtin mbrapa’ Po kete gazetare e solli opozita, investigimi i saj eshte profesional, dhe ka vertetesi me figure e ze, kurse deponimet e shtetareve tane ,, jane vetem mashtrim per nderkombetaret, Por kjo eshte gjendja, e situata, sa do e zbukurojne mashtruesit, sic kane bere der me sot.