• |
ide | kryesore

Komandanti i forcave të SHBA-së në Evropë: Rusia po pengon vendet e Ballkanit drejt integrimit euroatlantik

Arkiva, Të fundit



Situata e sigurisë në Ballkan është shumë e brishtë dhe vendet e Ballkanit janë shënjestra kryesore të ndikimit malinj të Rusisë, ka thënë komandanti i forcave të SHBA-së në Evropë, Curtis M. Scaparrotti, gjatë një dëshmie para komitetit për Forca të Armatosura të Senatit amerikan.

Scaparrotti, i cili gjithashtu është komandant Suprem i Aleancës i NATO-s në Evropë, e ka quajtur Ballkanin një rajon me rëndësi strategjike përderisa ka folur para senatorëve edhe për bisedimet ndërmjet Kosovës dhe Serbisë.

“Negociatat ndërmjet Kosovës dhe Serbisë për normalizimin e raporteve dhe arritjen e një zgjidhje afatgjate që është e zbatueshme për dyja vendet janë aktualisht në pritje. Rusia e ushqen paqëndrueshmërinë rajonale në përpjekje për të parandaluar vendet e Ballkanit në përparimin e tyre drejt integrimit euroatlantik” ka thënë gjeneral Scaparrotti, duke nënvizuar faktin se Rusia e kundërshton njohjen e Kosovës si shtet sovran ndërkaq përmes ndihmës politike, ushtarake dhe ekonomike mundohet të ruaj ndikimin e saj në Serbi.

“Forca e NATO-s në Kosovë (KFOR), e cila përfshin mbi 3,500 trupa nga vendet anëtare të NATO-s dhe vendet tjera, luan një rol të rëndësishëm në ruajtjen e sigurisë dhe stabilitetit në këtë rajon” ka thënë Scaparrotti.

 Ai ka folur edhe për gjendjen në Bosnje dhe Hercegovinë, duke theksuar se vendi po vazhdon të punojë drejt paqës dhe stabilitetit afatgjatë, pavarësisht sfidave nga Republika Serbe e cila është e ndikuar nga Rusia.

Në dëshminë e tij para komitetit për Forca të Armatosura, gjenerali amerikan, ka thënë po ashtu se Rusia është konkurrent afatgjatë strategjik që i sheh Shtetet e Bashkuara dhe Aleancën e NATO-s si kërcënim kryesor për ambicjet e saj gjeopolitike.

“Moska synon të shtrijë ndikimin në vendet periferike të saj, për të minuar solidaritetin e NATO-s dhe për të shkelur rregullat në të cilat bazohet rendi ndërkombëtar” ka thënë gjeneral amerikan Scaparrotti./REL.



2 Comments

  1. Per mazhorancen e filo ruseve, qe e kane edhe prejardhjen nga ajo rrace, e q sot kane ndryshuar emer, por ne permbajtje jane po fara keqe nga na kane ardhur. Se po te mos ish kjo opozite e soteme kur ish ne pushtet, per ju as qe do merrnit mundimin per kerkesa per tiu bashkengjitur NATOS, e kete e beri PDja, si edhe per levizjen e lire, kujtohu mire ti, qe e ke emerin e humbur, por te ka lene memoria. Ishit ju, qe kur PDja e futi vendin ne NATO, ju, kodoshet e kuq dolet me flamujt rus ne proteste kunder NATOS, por me qe jeni dredhake, lango nga te ardhurit e trashegimtare te rraces me kriminale qe ka patur ky vend, sot jeni bere dredhake, e hiqeni se ju qane shpirti per perendimin, o c;far rrace, o c;fare maskarenjesh qe na jane per rreth.

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *