Vendimi drastik për të përjashtuar nga kampionati Kamzën, nga Komisioni i Disiplinës, ka sjellë një amulli në Federatën Shqiptare të Futbollit, që duhet të përcaktojë tashmë ndryshimet në rregullore, për ngjitjen dhe zbritjen e skuadrave në Kategoritë e përcaktuara. Rrëzimi automatik i Kamzës në Kategorinë e Dytë, bashkë me dy ose tre, njëra në playout, nga skuadrat që do të rrëzohen sportivisht nga Kategoria e Parë e bëjnë me një skuadër më tepër se parashikimi Divizionin inferior.
Në këtë pikë, filozofia është ajo e ditur nga Kategoria e Dytë do të ngjiten katër në të Parën dhe do të zbresin tre. Por për të gjetur formulën ekzakte se si do të luhen ndeshjet e playoff dhe cilat skuadra do të përfshihen është një vendim që do të merret nga Komiteti Ekzekutiv i FSHF në datën 11 mars. Një shans më shumë për skuadrat e Kategorisë së Dytë, ndërsa për Superioren është gati një dënim capital për Kastriotin. Arsyeja është e thjeshtë: vendimi ishte se të gjitha ndeshje e ndeshjet e mbetura fitohen në tavolinë 3-0 nga kundërshtarët që do të luanin me Kamzën.
Me këtë rregull janë tre skuadrat që do të përfitojnë nga bonusi i pikëve në tavolinë. Luftëtari, Flamurtari dhe Skënderbeu do të marrin gjashtë pikë pa luajtur fare, ndërsa ekipet e tjera vetëm tri të tilla. E mes tyre Skënderbeu është më i favorizuari, duke kaluar edhe në gjysëmfinale pa u impenjuar fare. Por nëse ka të favorizuar ka edhe penalizuar dhe goditjen e madhe e merr Kastrioti, që në llogaritë direkte me Luftëtarin, ka edhe tre pikë më pak, ato që gjirokastritët do ti marrin kundër Kazmës.